Lucas 16:2 - Tagbanwa

² Aypaꞌ ka ipiyatawag it manggaden ngayti ka piyaruri ya. ‘Unuytu,’ maat ya, ‘i magkaringid-ringid ku ngaytu sabap it imu? Kayti, ipalteg mut aken it egay kurang i pamaalaꞌ mut muꞌsang kusas ku, ka garing kayti ega na ikaw i manigpamaalaꞌ ku.’

Lucas 16:2 Iomraidhean Croise

Mateo 12:36

Temed matuud tu talagay iꞌaat ku ngaytut imyu, nga in asan nat aldaw nga ipangukuman, turubagen it taw i kada ampang nira nga egay kapulusan.

Mateo 20:8

Iyan magsedep nay aldaw, singkat nat tagpuꞌun ngayti i manigpamaalaꞌ ya. Maat ya, ‘Taꞌwagan mu nay mga urnal ngayti ka tangdanan mu na sirang muꞌsa. Uꞌnaen muy kiyaꞌpusang mga piyabwat ku. Iyan piyabwat ku ngayat uꞌna, ipakiyaꞌpusan mu mana sirat tumangdan.’

Lucas 12:20

Temed inaat kanyat Ampuꞌang Diyus, ‘Engel-engel ka! Sabap kayti ngaytu nga delem, baiꞌan ka na it ginawa. Ta, kasiyu nay muꞌsa ngayan nga rininut nga ipagꞌimet mu?’

Lucas 12:42

Tumubag i Ampuꞌan ngayting si Jesus, maat ya, “Iyan magkasarigan baw nakman nga uripen, kanya i begayan it agalen ya it pamaalaꞌ kat beken nga mga uripen kat pamalay-balay ya. Kanya i manigpamgay it pangaꞌen nga makasuwituꞌ.

Lucas 16:1

Bawnga mga alagad ni Jesus i inaat ya. Maat ya, “May esang manggaden nga may esa nga manigpamaalaꞌ ya. Ipiyagrikramu duꞌut kanya nga pagraga-ragasen nat manigpamaalaꞌ ya ngayti i muꞌsang kusas ya.

Lucas 16:3

Pagkagneg it manigpamaalaꞌ ngayti, maat i kat nakem ya, ‘Itu palan, awaꞌen aku na nga manigpamaalaꞌ it agalen ku ngaytu. Unu naytuy buwaten ku? Ega kaya ku nga muwat it mabeꞌgat nga subuk magkali. Magꞌeyaꞌ aku gasiꞌ in paꞌildaw-ildaw aku nga pabgay.

Roma 14:12

Aypaꞌ ka, muꞌsa tami, egay maꞌped nga daꞌga madap it Ampuꞌang Diyus nga manubag it muꞌsang binwat ta.

1 Corinto 1:11

Ipagsugid kuytu sabap ipiyagbaritaꞌ sinit aken it mga taawan ni Cloe nga magdaꞌe-daꞌegen na i adat mi asan.

1 Corinto 4:2

Aypaꞌ pagsarungaen namen it magayen i katengdanan namen ngaytu, ka yay kaꞌilangan kat mga piyaskelan it buwaten it agalen nira.

1 Corinto 4:5

Aypaꞌ ega betanganan mit ukuman i maski siyu in magayen u ega i pagsirbi nira. Elaten mi i timpu nga ipangukuman kat pamaꞌuliꞌ it Ampuꞌan. Siguradu yan nga ipalbaw ya i mga bagay nga kayti magtataguꞌ paꞌ kat kadleman. Baw ipalbaw ya gasiꞌ i maski pagꞌantapen it nakem it kada esa. Bawnga tumanggap na i kada esa it kabantugan nga gumaring duꞌun it Ampuꞌang Diyus nga bagay it kanya-kanyang binwatan.

2 Corinto 5:10

Sabap, yay matuud, mabut i aldaw nga kada esat aten, talagang ipaꞌadap it ki Cristo nga Manigꞌukuman, isaꞌun matanggap tami i tumbas nga uyun kat in unuy binwat ta, magayen u maraꞌe-raꞌet, situt banwa ngaytu.

1 Timoteo 4:14

Magꞌintur nga ega baliwalaꞌen mu i kakayaan nga ipiyagꞌildaw it imu it Espiritu Santo, iyan piyanalanginan ka it mga magpamaalaꞌ nga pagtatapalen i ulu mu. Ildaw ngaytu, ipiyatantu it esang piyaprupitaꞌ nga piyanakman it Espiritu Santo it iting timpu.

1 Timoteo 5:24

Ta, pasar sit pagpaꞌdung mu it mga mangatengdanan, magꞌintur ka. Sabap yay matuud, may mga taw nga maski ega paꞌ nakaꞌbut it ukuman, temed matanyag nay kasalaꞌan nira. Iyan beken, matanyag mana in usyat-usyaten mut magayen.

1 Pedro 4:10

Dedemdemen mi nga kada esat imyu, binggayan it Ampuꞌang Diyus it kakayaan. Aypaꞌ gayen-gayenen mi i panggamit mi it in unu-unu nga kalasit kakayaan nga ipiyagꞌildaw yat imyu. Kaꞌilangan gamiten mi tu nga ipagtabang it mga sulsug mi kat pamayaꞌ.

1 Pedro 4:5

Temed yay matuud, turubagen niraytu duꞌun it Ampuꞌang Diyus. Ka alistu kanya talaga nga betanganan it ukuman i muꞌsang mga taw, maski egen paꞌ u patay na.

Mga Ipiyalteg 20:12

Bawnga sumunud siꞌ nga naltegan ku, muꞌsang mga miyatay na nga taw, mamagtitindeg sira duꞌun it sarungaan it araꞌdungan ngaytit adiꞌ. Mataꞌas baw mga timawaꞌ, duꞌun nga muꞌsa. Pagleteg ku, biyukaꞌ i mga kasuratan nga pagluulunun. Bawnga biyukaꞌ nay iyan sangbat nga pagsuratan it mga ngaran it kumpur mabgayan it kaꞌgenan nga egay kaskedan. Bawnga biyetanganan it ukuman i mga taw uyun kat kanya-kanyang binwat, iyan egen paꞌ, nga magsusurat duꞌun it mga kasuratan ngayti.