Lucas 16:19 - Tagbanwa

¹⁹ Ipiyaꞌuyut gasiꞌ ni Jesus kat panulduꞌ ya i alimbawa ya ngaytung atkaytu. Maat ya, “May esang manggaden nga purus pirmirang abel i pakayan ya, baw ta, paribasay manggaden, talagang aldaw-aldaw pagustuꞌ nga banar it magagayeng pangaꞌen.

Lucas 16:19 Iomraidhean Croise

Marcos 15:17

Binwat nira, piyagulamenan nira si Jesus it madarag nga subuk pakayan it adiꞌ. Bawnga naglikaw sira it dudugiyen nga luwa-luwak ka binwat nga kuruna, ka ipiyakuruna nat ki Jesus.

Marcos 15:20

Iyan naꞌyawan na sirat kateteger-teger, limbasan nira siꞌ si Jesus it ipiyagulamen nira ngaytit kanya, ka piyapakayan siꞌ it pakayan ya nga lagi. Bawnga tiyaban na nira duꞌut rugar nga papangimatayan ka iransang na duꞌut krus.

Lucas 15:13

Nagtaꞌlib i pirang aldaw, ipiyaꞌalang nat ariꞌ ngayti i kanya ngayting kabagiꞌan ka naꞌaduꞌun nat lekat nga banwa. Piyuꞌsa yat tumaban i kumpur ibiyayad. Bawnga iyan duꞌun na, riyaga-ragas ya nat gumastaꞌ kat ega tamaꞌ nga pangaꞌgenan.

Lucas 16:1

Bawnga mga alagad ni Jesus i inaat ya. Maat ya, “May esang manggaden nga may esa nga manigpamaalaꞌ ya. Ipiyagrikramu duꞌut kanya nga pagraga-ragasen nat manigpamaalaꞌ ya ngayti i muꞌsang kusas ya.

Lucas 16:18

Subung it ipiyagꞌurdin pasar it pagꞌasawa. In siyu-siyu nga lalaki i pablag it asawa ya ka mangasawa it beken, talagang nakapakun kanya. Baw iyan gasiꞌ mangasawa it piyablagan ngaytu nga babay, namakun naga kanya.”

Lucas 16:20

Baw may esa gasiꞌ nga miskin nga si Lazaro i ngaran. Kakaranangen nga nanggeꞌak-geꞌak na i bilug ya. Bawnga duꞌun na magbabanig it salakwatan it manggaden ngayti.

Mga Ipiyalteg 17:4

Madarag i pakayan it babay ngayti baw talagang mabakas subuk pakayan it adiꞌ. Bulawan baw marerga nga mga pagminaꞌen nga batu baw ega basta-bastang baliꞌeg i rurug it bilug ya. May sekel ya nga bulawan nga iꞌimnan nga magpupnuꞌ it marignaꞌ baw mararaꞌway nang bagay kat adat ya ngayti nga atkayti.

Mga Ipiyalteg 18:16

Maat i aaten nira, ‘Abaa, subrang makuriꞌ talagaytu! Kaꞌiꞌiraꞌbut nay nagꞌabut ngaytu kat matanug ngaytung siyudad. Tagnaꞌ ngayti, talagang mabakas i mga pakayan baw kasisilaw na nga rurug it bilug it mga taw duꞌun. Ka pakayan nira, pirmirang abel, baw mga liyuuꞌ it indilibel baw madarag. Baw rurug it bilug, mga bulawan baw marerga nga pagminaꞌen nga batu baw ega basta-bastang baliꞌeg.

Mga Ipiyalteg 18:7

Ka in magꞌuꞌunu nagpaꞌayaw-ayaw kanyat pagkasagyaan baw pagmataꞌas, atkayan nagay kadakulaꞌ it malabayan ya nga pakuriꞌ baw kasmek. Sabap kat nake-nakem ya, ‘Talagang magꞌaꞌdung aku naytu kat pagkaꞌadiꞌ. Egaytu balu aku. Seked it kaꞌnu-kaꞌnu, alaid talagat aken i masmekan.’