Lucas 16:16 - Tagbanwa

¹⁶ Iyan ega pay si Juan nga uꞌna-uꞌnang namawtis, iyan mga urdin ni Moises baw iyan mga isiyurat it mga prupitaꞌ i ipagpanulduꞌ. Temed garing it may si Juan na ngayti, iyan nay ipagpangadal, Magayen ngaytung Baritaꞌ pasar it kaꞌadiꞌan it Ampuꞌang Diyus. Baw pagpatikesegan it mga taw i kapasakep kaytu.

Lucas 16:16 Iomraidhean Croise

Mateo 10:7

Mapanaw kamu ka ipangadal mi i adeꞌdeng na ngaytu nga kaꞌadiꞌan it Ampuꞌang Diyus.

Mateo 15:11

Ega iyan magseled kat baꞌbaꞌ it taw i magparaꞌway it kanya kat panleteg it Ampuꞌang Diyus, in daꞌga iyan ampang nga maraꞌe-raꞌet nga magliꞌwan kat baꞌbaꞌ ya.”

Mateo 21:32

Sabap naꞌasitu nat imyu si Juan ngayan nga magpamawtis baw ipiyatantu yat imyu i mataldeng nga pangaꞌgenan. Takaꞌ ega pagpamayaꞌnen mi kanya. Temed piyamayaꞌ kanya it mga manigpabayad ngayti it barayadan baw mga babay nga ipagpanulus i bilug. Namuyaan mi nagay namayaꞌ na sira, temed daꞌkamu namayaꞌ it panulduꞌ ya.”

Mateo 3:2

Ipagsugid yat mga taw, nga magꞌaat, “Singuliꞌan baw indiꞌan mi na i mga kasalaꞌan mi, sabap adeꞌdeng nay kaꞌadiꞌan it Ampuꞌang Diyus.”

Mateo 4:17

Gimnaring it iti nga timpu, nagpapuꞌun na si Jesus it manulduꞌ. Kat panulduꞌ ya, ipagꞌaat ya nga, “Siminguliꞌ kamu na it kasalaꞌan mi baw indiꞌan mi na, ka adeꞌdeng nay kaꞌadiꞌan it Ampuꞌang Diyus.”

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Marcos 1:14

Iyan pinirisu na si Juan, miyuliꞌ na si Jesus duꞌun it Galilea. Ipiyangadal ya duꞌun i Magayeng Baritaꞌ nga garing duꞌun it Ampuꞌang Diyus.

Marcos 1:45

Temed pagpanaw it taw ngayti, ipiyanugid-sugid ya in magꞌuꞌunu mindek i sarut ya ngayti. Aypaꞌ biyaraꞌan, ega na magkapalansangan si Jesus it magparayag-rayag sabap gandur nat taw i mamagpaꞌaduꞌut kanya. Duꞌun na lamang kanya it liꞌwan it lansangan, kat mga rugar nga kapupuyangtan. Pagꞌaduꞌunun na kanya it mga taw nga maggaring kat paꞌari-aring rugar.

Lucas 10:11

‘Pati kapu-kapu ngaytu nga dimingket situt aꞌay namen, tagtagen namen naga, nga bilang imandaꞌan it imyu nga ega na ipagpabetang kamut Ampuꞌang Diyus nga taawan ya. Temed yay dedemdemen mi, nga adeꞌdeng na situt imyu i kaꞌadiꞌan it Ampuꞌang Diyus. Aypaꞌ it daꞌkamu kupasakep, baalaꞌ kamu na!’

Lucas 10:9

Pagayenen mi i mga magsarut duꞌun, baw iꞌaat mit taga lansangan ngayan nga, ‘Adeꞌdeng nat imyu i kaꞌadiꞌan it Ampuꞌang Diyus.’

Lucas 16:29

Temed katubag si Abraham, maat ya, ‘Mabasa it mga sulsug mu i isiyurat ni Moises baw mga prupitaꞌ nga ampang it Ampuꞌang Diyus. Duꞌun i mapisiꞌan nirat paꞌimbanda, basta pakimatuudun nira lamang.’

Lucas 16:31

Tiyubag siꞌ kanya ni Abraham, nga magꞌaat, ‘In talagang ega pagpakimatuudun niray mga isiyurat ngayti ni Moises baw mga prupitaꞌ gasiꞌ, simpri ega naga mapapamayaꞌ sira it maski esang patay na nga nagꞌegen manat paꞌuliꞌ.’”

Lucas 9:2

Bawnga tiyaꞌeg ya na sira nga mapanaw ka ipangadal nira i pasar it kaꞌadiꞌan it Ampuꞌang Diyus baw pagayenen nira i kumpur magpangabang nga may sarut.

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 11:48

In pabaya-bayaꞌan tami na lamang, mamayaꞌ nat kanya i muꞌsang taw. Ta, baraꞌan ya kayan, buwaten it mga Romano ngaytu, awaꞌan ta nat aten nga banwa baw tari-tariwanaken tami na.”

Juan 12:19

Namagrunding-rundingen siꞌ i mga Pariseo, maat nira, “Ungaytu, ega bay magkabwat ta nga may paglapusan, ka letganan mi ga, magsunud nang muꞌsat kanya i mga katataawan.”

Juan 5:4

Sabap katuturanan nira, magpanlampud sumang kaꞌanu i esang anghil it Ampuꞌang Diyus baw pagkawkawun yay danum ngayti. Siyu-siyuy makauꞌna it lumampud baw temegday it danum ngayti in makawkaw na, maski unu nga sarut i sarut ya, gumayen na.

Mga Binwat 3:18

Temed kat binwat mi ngaytu, tiyuman it Ampuꞌang Diyus i ipiyanakem yat mga prupitaꞌ it tagnaꞌ nga ipagpaꞌrut yat katataawan, nga maat, pakuriꞌan nagat mga taw i Cristo nga Manriribring Adiꞌ nga isiyanggup ya.