Lucas 16:11 - Tagbanwa

¹¹ Ta kayti, in daꞌkamu magkasarigan kat panggamit mit pirak baw kusas mi situt sinirungat langit ngaytu, magꞌuꞌunu yan masarigan kamu it kamanggadan duꞌun it langit?

Lucas 16:11 Iomraidhean Croise

Mateo 6:24

Ka yay matuud, egay maski siyu nga manigsirbi nga kapagsirbi it duway agalen. Ka barang isgan ya nay sangbat, esa mana i maꞌalen ya, u in daꞌga, esa mana nga agalen i pagsirbiyan yat kamatuudan, iyan esa tibabaꞌen ya na. Ta atkayan naga, basta pagrinut it betang i kanget it nakem mi, talagang ega mapakay nga sirbiyan mit kamatuudan i Ampuꞌang Diyus.

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 16:12

Ta, it Ampuꞌang Diyus i tagpuꞌun it muꞌsang kaya mi situ, aypaꞌ in daꞌkamu magkasarigan it subuk ipiyabaalaꞌ ya ngaytit imyu situ, magꞌuꞌunu yan ipasadilit imyu i kamanggadan ngayti nga duꞌut langit?

Lucas 16:9

Ta kayti, aku nay magꞌaat it imyu nga mga alagad ku. Gayen-gayenen mi i imyu nga panggamit it pirak u maski unu nga kusas mi. Gamiten mi tu kat buwaten it Ampuꞌang Diyus, isaꞌun tanggapen kamut masagya duꞌut langit it mga nakaꞌbut duꞌun sabap it magayen ngaytung panggamit mi it kusas mi.

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Efeso 3:8

Kalililuꞌan talagaytu ka maski piyakatimawaꞌ nga taawan it Ampuꞌang Diyus, akuy timawaꞌ pat kanya. Takaꞌ maski atkayan, kat kadakulat ildaw ya, napakay ya naga aku nga binggayan it itung buwaten, nga ipangadal ku duꞌun it mga taw nga ega Judio i pasar it kagayenan nga magkapisiꞌ duꞌun it ki Cristo, kagayenan nga bastanting-bastanti baw ega pagtaꞌseben it pikiran.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?

Mga Ipiyalteg 3:18

Aypaꞌ kayti ituy ipagsasar kut imyu. Kaꞌilangan nga malang kamu sinit aken it bulawan nga pirmira ka tiyunaw duꞌut apuy, isaꞌun magmanggaden kamu nga matuud. Malang kamu gasiꞌ sinit aken it maputiꞌ nga pakayan, isaꞌun daꞌkamu na maglelbas, ega na kaꞌeyaꞌ-eyaꞌ. Baw malang kamu gasiꞌ it ubaꞌubat it mata isaꞌun makalteg kamu.