Lucas 16:10 - Tagbanwa

¹⁰ Ka matuud talaga nga iyan magkasarigan it dekeyeꞌ nga bagay, simpri maski dakulaꞌ nga bagay magkasarigan naga. Temed iyan maski dekeyeꞌ nga bagay ipagpanluku ya, simpri subraꞌ na nga ipanluku ya i dakulaꞌ nga bagay.

Lucas 16:10 Iomraidhean Croise

Mateo 24:45

“Iyan magkasarigan baw nakman nga uripen, kanya i pagbebgayan it agalen ya it pamaalaꞌ kat beken nga mga uripen kat pamalay-balay ya. Kanya i manigpamgay it pangaꞌen nga makasuwituꞌ.

Mateo 25:21

‘Magayen! Talagang magkasarigan ka nga uripen. Ta, it magkasarigan ka kat dekeyeꞌ nga kantidad, kayti papamaalaꞌen ku ikaw it dakulaꞌ nga kantidad. Mabagiꞌan ka it kasagyaan ku.’

Mateo 25:23

Maat it agalen ya ngayti, ‘Magayen gasiꞌ! Magkasarigan ka gasiꞌ palan. Ta it magkasarigan ka kat dekeyeꞌ ngayan nga kantidad, aypaꞌ ka papamaalaꞌen ku ikaw it dakulaꞌ nga kantidad. Mabagiꞌan ka paꞌ it kasagyaan ku.’

Lucas 19:17

‘Magayen!’ maat it agalen ya ngayti. ‘Pagsagyaan kuy binwat mu ngayan. Kayti it namuyaan ku nga magkasarigan ka it maski dekeyeng bagay, papamaalaꞌen ku ikaw it sang puluꞌ nga kalansanganan.’

Juan 12:6

Iti nga inampang ni Judas, ega maat matuud nga may ildaw yat mga makukuriꞌ, in daꞌga sabap it, kanya, mananakaw. Kanya i magkekpet it pundu nira. Sumang kaꞌanu may paglimat-limaten ya na.

Juan 13:2

Itiyarakan nay pangiyapun na Jesus. Si Judas Iscariote ngayti nga anak ni Simon, piyanakman kanya nga lagi ni Satanas nga idagang ya si Jesus.

Juan 13:27

Pagkakawaꞌ ni Judas it tinapay ngayti, nagpasarum na duꞌut kanya si Satanas. Maat ni Jesus, “Ta, ereg-eregen mu nay kubwaten mu ngayan.”

Hebreo 3:2

Talagang siyunud yat kamatuudan i muꞌsa nga ipiyagꞌintergaꞌ it Ampuꞌang Diyus it kanya nga buwaten. Subung nagat ki Moises. Kat pamaalaꞌ ni Moises it pamalay-balay it Ampuꞌang Diyus, siyunud ya gasit kamatuudan i katengdanan ya.