Lucas 15:7 - Tagbanwa

⁷ Matuud talagay iꞌaat kut imyu, nga subraꞌ talagang kasagyaan i duꞌun it langit sabap it esang makasalaꞌan nga magsinguliꞌ baw indiꞌan ya nay mga kasalaꞌan ya. Ka subraꞌ paytu it siyam nga puluꞌ may siyam nga ega magsinguliꞌ it kasalaꞌan nira sabap, kat pikir nira, egay kanirang kakasalaꞌan.”

Lucas 15:7 Iomraidhean Croise

Mateo 18:13

Talagang matuud i iꞌaat kut imyu, nga basta maparagan yaytu, subrang masagyaan yay sangbat ngaytu, subraꞌ pat siyam nga puluꞌ may siyam ngayting ega nateꞌag-teꞌag.

Mateo 3:8

Kaꞌilangan nga ipamatuud mi kat pangaꞌgenan mi nga magsinguliꞌ kamu na nga matuud.

Lucas 15:10

Talagang matuud baꞌ i ipagꞌaat ku ngaytu, nga dakulaꞌ talaga nga kasagyaan it mga anghil it Ampuꞌang Diyus sabap it esang taw nga makasalaꞌan nga magsinguliꞌ na baw indiꞌan ya nay mga kasalaꞌan ya.”

Lucas 15:29

Temed maat gay tubag ya, ‘Talagang daꞌku magkabaraꞌan kayan. Ka aken, daꞌku nagliꞌi-liꞌid it pira-pira nang taꞌun, ka magpakariga aku nga subung lamang it esang uripen mu, baw maski kaꞌsa daꞌku simnutil it imu. Temed maski kaꞌsa daꞌku binggayan mut maski mana nga uꞌuybun it kambing nga ipagkasagyaan namen it mga iba-iba ku!

Lucas 15:32

Temed kayti, simpri dapat tami nga magkasagyaan ka sulsug mu ngaytu, kabilangan ya natay na temed subuk naꞌgen naga it paꞌuliꞌ. Subung gasiꞌ it naꞌlam kanya temed naparagan naga.’”

Lucas 15:6

Pagꞌabut ya duꞌut balay, pangimbitaren yay mga iba-iba ya baw mga kamalay ya. ‘Sigi,’ maat ya, ‘paragiꞌ kamu it kasagyaan ku, ka naparagan ku nagay naꞌlam ngayan nga tupa ku.’

Lucas 15:8

“Atkayan naga,” maat ni Jesus, “nga in beteꞌ may esang babay nga may pirak ya nga sang pulung batu i madedsen nga pirak, nga kada sangbat, balit sang aldaw i tangdanan, bawnga sakaliꞌ nga may maꞌlam nga sangbat, unu yan i buwaten ya? Daꞌga baꞌ, pagketan yay tidaw? Walisan yat magayen i balay ya ka tulusun yat tulus banar seked it maparagan ya.

Lucas 16:15

Pagkamuya ni Jesus kayti, maat yat kanira, “Kamu i pagpaꞌiguꞌan ku ngayan, nga buwat mi, pagpapamayaꞌnen mi i katataawan nga mataldeng kamu nga mga taw, isaꞌun istimaren kamut magayen. Temed ega talaga magkataguꞌ duꞌun it Ampuꞌang Diyus i karaꞌe-raꞌetan kat nakem mi. Yay matuud, iyan ipagpabetang mi nga mabantug nga ipagkatuꞌgud it imyu it mga taw, maraꞌway nga maraꞌway yan kat panleteg it Ampuꞌang Diyus.

Lucas 5:32

Ega yay inasitu ku, taꞌwagan ku i mga mataldeng in daꞌga mga makasalaꞌan, nga kaꞌilangan siminguliꞌ baw indiꞌan niray mga kasalaꞌan nira, ka pasakep nat Ampuꞌang Diyus.”

Roma 7:9

Iyan ega paꞌ magkasepsepan kuy pagpaꞌiguꞌan it mga urdin, tanud ku egay aken nga kasalaꞌan. Temed iyan natantuwan kung banar i pagpatalandagan it mga urdin ngaytu, minyag nga minyag i kadakulat kasalaꞌan ku.