Lucas 15:6 - Tagbanwa

⁶ Pagꞌabut ya duꞌut balay, pangimbitaren yay mga iba-iba ya baw mga kamalay ya. ‘Sigi,’ maat ya, ‘paragiꞌ kamu it kasagyaan ku, ka naparagan ku nagay naꞌlam ngayan nga tupa ku.’

Lucas 15:6 Iomraidhean Croise

Lucas 1:58

Pagkaꞌrut it mga kamalay nira baw mga kaduguꞌan nira it kadakulat ildaw ngaytit Ampuꞌang Diyus duꞌun it ki Elisabet ngayti, masasagya gasiꞌ sira.

Lucas 15:10

Talagang matuud baꞌ i ipagꞌaat ku ngaytu, nga dakulaꞌ talaga nga kasagyaan it mga anghil it Ampuꞌang Diyus sabap it esang taw nga makasalaꞌan nga magsinguliꞌ na baw indiꞌan ya nay mga kasalaꞌan ya.”

Lucas 15:24

Ka kabilangan it anak ku ngaytu, natay na temed naꞌgen naga it paꞌuliꞌ. Subung kanyat naꞌlam temed naparagan naga.’ Egay beken, nagkasagyaan sira nga matuud.

Lucas 15:5

Ta, pagkaparag ya, magsasagya nga ulakbayen ya nat muliꞌ.

Lucas 15:7

Matuud talagay iꞌaat kut imyu, nga subraꞌ talagang kasagyaan i duꞌun it langit sabap it esang makasalaꞌan nga magsinguliꞌ baw indiꞌan ya nay mga kasalaꞌan ya. Ka subraꞌ paytu it siyam nga puluꞌ may siyam nga ega magsinguliꞌ it kasalaꞌan nira sabap, kat pikir nira, egay kanirang kakasalaꞌan.”

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

Mga Binwat 11:23

Pagꞌabut ya duꞌun, natantuwan ya i kadakulat ildaw it Ampuꞌang Diyus kat mga taw ngayti. Aypaꞌ ka masagya kanyang banar. Bawnga tiyulduꞌan ya sira nga kaꞌilangan teꞌteꞌan nira i Ampuꞌan it tingled i nakem.

Mga Binwat 15:3

Egay beken, namagpanaw na na Pablo ngayti. Ipiyagꞌuruꞌ naga sira it beken nga mga magpamayaꞌ. Ta, kada rugar nga magkapsagan it panaw nira, nga sakep it Fenicia baw Samaria, pagtuturanan na Pablo i mga magpamayaꞌ duꞌun it in magꞌuꞌunu dakel nang taw nga ega Judio i namagpamayaꞌ it Ampuꞌan. Yaba-yabasay kagneg nga mga magpamayaꞌ, mamagkasagya sira.

Filipos 1:4

Yay matuud, pirmi nga pagsangpiten ku kamung muꞌsa kat panalangin, baw kada ipagpanalangin ku kamu, masagyay nakem ku,

Filipos 2:17

Eeꞌ baꞌ, maski ikagtas it ginawa ku i paꞌres ku sabap it imyu, talagang ega daꞌgaen ku, basta kat ikagayen it pamayaꞌ baw pagsirbi mit Ampuꞌang Diyus. Masagyang-masagya aku ga, ka urut ku nga mabgayan ku gasiꞌ kamu it kasagyaan kat pamayaꞌ mi.

Filipos 4:1

Aypaꞌ mga pagmaꞌalen ku nga mga sulsug kat pamayaꞌ, maneꞌteꞌ kamu sana nga nakaꞌunay i pangaꞌgenan mi duꞌun it Ampuꞌan. Talagang ireg ku nga ireg nga makitaan ku siꞌ kamu, mga pagmaꞌalen ku. Dakulaꞌ i pasagya mit aken baw kamu i bilang tumbas it pangadal ku.

1 Tesalonica 2:19

Simpri, kupakikita kami sit imyu, ka sabap it imyu, dakulaꞌ nga banar nga kasagyaan namen. Baw talagang pagꞌiꞌinawaren namen nga maneꞌteꞌ i pamayaꞌ mi, nga yay kat ikasagya baw ikabantug namen in madap tami na duꞌun it Ampuꞌan tami nga si Jesu-Cristo, kat pamaꞌuliꞌ ya situ.

1 Pedro 2:10

Yay matuud, tagnaꞌ ngayti ega paꞌ taawan kamu it Ampuꞌang Diyus. Temed kayti, mga taawan ya na kamu. Katꞌesa subuk daꞌkamuy imyu pagꞌildawan yat karibriyan, temed kayti naꞌimyu nay ildaw ya ngaytu.

1 Pedro 2:25

Sabap kaꞌalimbawaan mi, subung kamut mga tupa nga namagkatari-tariwanak ka namagkateꞌag-teꞌag na. Temed kayti tiningped kamu siꞌ it Manigꞌeper nga si Cristo, nga magtatarima it imyu it kaꞌustuꞌan nga pagtarima.