Lucas 15:5 - Tagbanwa

⁵ Ta, pagkaparag ya, magsasagya nga ulakbayen ya nat muliꞌ.

Lucas 15:5 Iomraidhean Croise

Ezekiel 33:11

Aypaꞌ isugid mu talaga duꞌun it mga Israelita ngaytu nga ituy ipagsugid it AMPUꞌANG DIYUS nga egay kasbung. ‘In magꞌuꞌunu ipagpamatuud ku nga egen aku, ipagpamatuud ku gasiꞌ nga ega talaga magkasagyaan ku i magpatay nga makasalaꞌan. Iyan talagay magkasagyaan ku, in indiꞌan ya nay kasalaꞌan ya isaꞌun ega na matay. Bangsa nga Israel, pedkanan mi na i mga karaꞌe-raꞌetan nga pamagbuwaten mi. Eeꞌ baꞌ, pedkanan mi na talaga. Unuka magpangeget kamu na?!’”

Mikas 5:4

Pagkapatindeg it itu nga adiꞌ, pamaalaꞌan yay mga taawan ya kat keseg it kakayaan nga ibgay it AMPUꞌANG DIYUS it kanya, baw kat ega basta-bastang kabantugan it AMPUꞌANG DIYUS ngaytu nga pagsirbiyan ya. Mga taawan ya ngaytu, mangaꞌgenan sira it maꞌimbeng nga pangaꞌgenan sabap, iyan nga adiꞌ, kilalaen kanya nga mabantug kat muꞌsang banwa situt sinirungat langit.

Lucas 15:32

Temed kayti, simpri dapat tami nga magkasagyaan ka sulsug mu ngaytu, kabilangan ya natay na temed subuk naꞌgen naga it paꞌuliꞌ. Subung gasiꞌ it naꞌlam kanya temed naparagan naga.’”

Lucas 15:4

“In beteꞌ may esat imyu nga may sang gatus nga tupa ya, bawnga sakaling may maꞌlam nga sangbat, ta, unuy buwaten ya? Daꞌga baꞌ, tananan yay siyam nga puluꞌ baw siyam duꞌun it papakaꞌnan nga rugar, ka tumulus it naꞌlam ngayti seked it maparagan ya?

Lucas 15:6

Pagꞌabut ya duꞌut balay, pangimbitaren yay mga iba-iba ya baw mga kamalay ya. ‘Sigi,’ maat ya, ‘paragiꞌ kamu it kasagyaan ku, ka naparagan ku nagay naꞌlam ngayan nga tupa ku.’

Lucas 19:9

Pagkagneg ni Jesus kayti, miyampang kanya nga magꞌaat, “Talagang kayting lagi, miyabut situt itung pamalay-balay i panribri it Ampuꞌang Diyus. Sabap kat binwat ngaytu ni Zaqueo, nga tandaꞌ it nabaꞌgu nay adat ya, maꞌyag nga nakaꞌuyut na kanya it mga matuud nga tungtung-inapuꞌ ni Abraham, nga ega desang kat pagduguꞌ in daꞌga kat pamayaꞌ nirat Ampuꞌang Diyus.

Lucas 23:43

Pagtubag ni Jesus, maat ya, “Matuud talagay iꞌaat kut imu, nga kayti ngaytu nga aldaw iba ku na ikaw mabway duꞌun it langit.”

Juan 15:11

Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

Efeso 2:10

Sabap iyan pagbaꞌgu it adat ta kayti, Ampuꞌang Diyus i garing kaytu. Ipiyalagpit ya kita duꞌut ki Cristo Jesus baw biyaꞌgu ya i pangaꞌgenan tami isaꞌun gamiten ta na kat buwat nga magayen, nga ipiyagꞌareg yang lagi it aten garing paꞌ it tagnaꞌ.

Efeso 3:7

Talagang kat kaꞌildaw it Ampuꞌang Diyus it aken baw kat keseg it guna ya, binwat ya aku nga manigsirbi ya kat pangadal ku it Magayen ngaytung Baritaꞌ.

1 Tesalonica 1:5

Kamatuudan, iyan Magayen ngaytung Baritaꞌ pasar it ki Jesu-Cristo nga ipiyangadal namen asan it imyu, egaytu ampang-inampang na lamang, in daꞌga ipiyamatuud tu it guna it Espiritu Santo, aypaꞌ ka piyakimatuud mi. Namuyaan mi in magꞌuꞌunuy pangaꞌgenan namen asan it imyu, nga kat ikagayen mi.

2 Timoteo 2:26

Ta daꞌga in atkayan, meyag nagay pikir nira. Egay beken, makapaꞌalikaꞌsut naga sira kat pamegbeg ni Satanas nga simnakep it kanira isaꞌun buwaten niray kaꞌirgan ya.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

1 Pedro 1:5

Ta sabap it pagsarig baw pamayaꞌ mi it kanya, pagtatarimaen kamu nga pirmi kat guna it Ampuꞌang Diyus, mintras pagꞌeꞌlaten mi i karibriyan nga tumanen ya baw itanyag asan it umur nat banwa.