Lucas 15:22 - Tagbanwa

²² Temed tiyaꞌwagan gat amaꞌ ya ngayti i mga uripen ya, nga magꞌaat, ‘Daliꞌ! Tumaban kamu sini it piyakamagayen nga pakayan ka ipapakay it kanya. Pasiꞌsingan kanya baw patalumpaꞌan.

Lucas 15:22 Iomraidhean Croise

Genesis 41:42

Bawnga inapluꞌ it adiꞌ ngayti i siꞌsing ya nga pamimirmaꞌ baw ipiyasiꞌsing yat ki Jose, sabap si Jose na ngayti i manigbuwat it urdin. Piyapakayan ya na gasiꞌ it pakayan nga pirmira nga abel baw piyabaliꞌgan ya nat baliꞌeg nga bulawan.

Lucas 15:21

Kaꞌampang i anak ya ngayti, maat ya, ‘Amaꞌ, talagang nagkasalaꞌan aku naytu duꞌun it Ampuꞌang Diyus baw situt imu. Ega naytu mapakay nga taꞌwagen mu paꞌ aku nga anak mu.’

Lucas 15:23

Dali-daliꞌen mi gasit misiꞌ i piyatabaꞌan ngayan nga uꞌuybun it bakaꞌ ka karniꞌen, ka magkaraꞌnen tami baw magkasagyaan.

Roma 13:14

Kaꞌilangan, kat muꞌsang bagay, patibayaꞌ kamung pirmi it Ampuꞌan nga si Jesu-Cristo, isaꞌun yanay maltegan kat pangaꞌgenan mi, kanya nang adat. Ega na sumbayaꞌen i sadiling kaꞌirgan nga maraꞌe-raꞌet u begayan pat rugar kat pikiran mi.

Roma 3:22

In daꞌga talagang kat pagsarig it kamataynen ni Jesu-Cristo baw kamatuudang pamayaꞌ it kanya, iyan i ikapisiꞌ tat kataldengan kat panleteg it Ampuꞌang Diyus. Mapakay tu kat maski siyung taw ka, muꞌsang taw, surubung.

Roma 8:15

Matuud tu, mga anak it Ampuꞌang Diyus i panaꞌwag it aten, ka iyan Espiritu Santo nga magsasarum situt bilug tami, egaytu Espiritu it pagkaꞌuripen isaꞌun pirmi tang manguripeꞌpey kat adapan it Ampuꞌang Diyus sabap it mga kasalaꞌan tami. In daꞌga, kat panakem it Espiritu Santo ngaytu, magkatantuwan ta na nga inanak tami na talaga it Ampuꞌang Diyus. Aypaꞌ, kayti, mataꞌwag tami nay Ampuꞌang Diyus nga “Amaꞌ.”

Galacia 3:27

Baw kayti, muꞌsa asat imyu nga nagpabawtis nga yay katandaꞌ it maglalagpit na ngaytu it ki Cristo, subuk piyakay na si Cristo, nga ireg sugiden magpasbung nat kanyang adat.

Efeso 6:15

Iyan ega basta-bastang kaꞌimbengan it nakem nga liꞌwan it pamayaꞌ mi it Magayeng Baritaꞌ, iyan i bilang pansundaluꞌ nga sapatus mi isaꞌun simpan talagay mga aꞌay mi, ega dumarasay.

Mga Ipiyalteg 19:8

Ta, asawaen ya ngayti, piyapakayan nat pirmira nga abel nga maputiꞌ nga limpiyuꞌ nga banar.” Iyan limpiyuꞌ nga pakayan ngaytu, yay paꞌaaten, mga mataldeng nga buwat it mga taawan it Ampuꞌang Diyus.

Mga Ipiyalteg 2:17

Ta it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung may ibgay kut kanya nga magꞌaꞌareg sinit langit nga ega paꞌ magkaltegan it taw, iyan manna nga ipagkaꞌgen it egay kaskedan. Begayan ku gasiꞌ kanya it maputiꞌ nga batu nga pagsusuratan it esang ngaran nga baꞌgu nga egay maski siyung makaꞌrut, in daꞌga iyan lamang nga nabgayan kayan.’ ”

Mga Ipiyalteg 3:18

Aypaꞌ kayti ituy ipagsasar kut imyu. Kaꞌilangan nga malang kamu sinit aken it bulawan nga pirmira ka tiyunaw duꞌut apuy, isaꞌun magmanggaden kamu nga matuud. Malang kamu gasiꞌ sinit aken it maputiꞌ nga pakayan, isaꞌun daꞌkamu na maglelbas, ega na kaꞌeyaꞌ-eyaꞌ. Baw malang kamu gasiꞌ it ubaꞌubat it mata isaꞌun makalteg kamu.

Mga Ipiyalteg 6:11

Bawnga naltegan ku nga binggayan it mapuputiꞌ nga pakayan i kada esat kanira. Baw nagnegan ku nga inaat it kanira, “Magpaꞌna-paꞌna kamu na daꞌan it ega maꞌlay nga timpu, mintras ega paꞌ nakumplitu i bilang it mga sulsug mi kat pamayaꞌ, nga kaꞌibaan mi nga magsirbi it Ampuꞌang Diyus, sira nga pangimatayen gasiꞌ nga subung it imyu.”

Mga Ipiyalteg 7:9

Iyan natupus nay sabap it iting bagay, iyan siꞌ i naltegan ku, dakel nang dakel nga pagtaw. Daꞌna mabilang it maski siyu. Iting mga taw, nanggaring-garing kat kada ampang baw bangsa. Mamagtitindeg sira kat adapan it magꞌaꞌdung ngayti kat araꞌdungan it adiꞌ baw kat adapan it paꞌaaten ngayting Uꞌuybun It Tupa. Mamagpapakay sirang muꞌsa it maputiꞌ baw may sekel nira nga palakpak it subuk badangan.