Lucas 15:21 - Tagbanwa

²¹ Kaꞌampang i anak ya ngayti, maat ya, ‘Amaꞌ, talagang nagkasalaꞌan aku naytu duꞌun it Ampuꞌang Diyus baw situt imu. Ega naytu mapakay nga taꞌwagen mu paꞌ aku nga anak mu.’

Lucas 15:21 Iomraidhean Croise

Lucas 15:20

Pagkapikir ya kayti, miyuliꞌ naga nga matuud duꞌut amaꞌ ya. Temed alaid paꞌ kanya, nalawag na it amaꞌ ya ngayti. Siyanguꞌan kanyang banar. Magpapalagyu i simnusmu nga amaꞌ ya ngayti, siyakem baw inarkan kanya.

Lucas 15:22

Temed tiyaꞌwagan gat amaꞌ ya ngayti i mga uripen ya, nga magꞌaat, ‘Daliꞌ! Tumaban kamu sini it piyakamagayen nga pakayan ka ipapakay it kanya. Pasiꞌsingan kanya baw patalumpaꞌan.

Roma 2:4

Barang tanud mi, mga taw kamu na nga pagsagyaan nga pirmi it Ampuꞌang Diyus sabap it kadakulat ildaw yat imyu, baw kapalulusan ya nga pagpataꞌnan ya lamang it kaꞌlay ngaytu i mga kasalaꞌan mi. Temed subuk ega pagꞌabutun it pikiran mi nga, buwat ya nga atkaytu, sana yay tumaban it imyu it magsinguliꞌ baw mangindiꞌ it muꞌsa ngaytung mga kasalaꞌan mi.

1 Corinto 8:12

Ta, basta atkayan i buwat mu nga magkasalaꞌan ka na duꞌun it sulsug mu kat pamayaꞌ, ka ipiyakursud mu kanya nga muwat it ega tamaꞌ kat nakem ya, egay beken, si Cristo na mismu i piyagkasalaꞌanan mu.