Lucas 15:19 - Tagbanwa

¹⁹ Talagang ega naytu mapakay nga taꞌwagen mu paꞌ aku nga anak mu. Ipabetang mu na lamang aku nga esa nga manigꞌurnal mu.”’

Lucas 15:19 Iomraidhean Croise

Genesis 32:10

Talagang subuk daꞌna bagay it aken, nga esang timawaꞌ nga taw, i mga ildaw mu ngayni. Ka yay matuud, paggaring ku duꞌun it mga giyaringan ku, rumꞌar it taban ku it dimnipag duꞌun it danum it Jordan ngayti, sungkud ku. Temed kayti, panguliꞌ ku na ngayni, bulyug-bulyug na i mga kaꞌibaan ku nga duwa ngayning gurupu.

Lucas 15:18

Magayen siguru, muliꞌ aku duꞌut kanya. Pasanguꞌ-sanguꞌ aku nga aaten ku, “Amaꞌ, nagkasalaꞌan aku naytu duꞌun it Ampuꞌang Diyus baw situt imu.

Lucas 15:20

Pagkapikir ya kayti, miyuliꞌ naga nga matuud duꞌut amaꞌ ya. Temed alaid paꞌ kanya, nalawag na it amaꞌ ya ngayti. Siyanguꞌan kanyang banar. Magpapalagyu i simnusmu nga amaꞌ ya ngayti, siyakem baw inarkan kanya.

Lucas 5:8

Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

1 Corinto 15:9

Ka, sabap it adat ku katꞌesa nga magsarit pakuriꞌ it mga magpamayaꞌ it ki Cristo, siyuy kaꞌinawar nga magbaraꞌ aku nga apustul? Akuy piyakatimawaꞌ kat muꞌsang mga apustul. Talagang ega bagay nga taꞌwagen aku nga apustul ngaytu sabap it buwat ku ngaytit tagnaꞌ.

1 Pedro 5:6

Aypaꞌ pababaꞌ kamu nga pasakep it kamatuudan kat gunaan nga Ampuꞌang Diyus nga magpabetang-betang it muꞌsa. Ka in atkayan, ipataꞌas ya kamu in naꞌbut nay ipiyabetang-betang ya nga timpu.