Lucas 15:18 - Tagbanwa

¹⁸ Magayen siguru, muliꞌ aku duꞌut kanya. Pasanguꞌ-sanguꞌ aku nga aaten ku, “Amaꞌ, nagkasalaꞌan aku naytu duꞌun it Ampuꞌang Diyus baw situt imu.

Lucas 15:18 Iomraidhean Croise

Mga Panganin-anin 3:40

Yay magayen, paruriyen tami it pagayen-gayen i pangaꞌgenan tami. Bawnga paꞌuliꞌ tami duꞌut kanya nga AMPUꞌANG DIYUS.

Daniel 4:26

Ta sabap gasiꞌ it sekat ngayan nga, tuꞌud ya baw mga gamut, pataꞌnan lamang asat pagpupꞌunan ya, ireg sugiden kayan, maꞌuliꞌ mu naga i kaꞌadiꞌan mu kat timpu nga kilalaen mu nga Ampuꞌang Diyus i magbebegbeg it muꞌsa.

Mateo 3:6

Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Mateo 6:14

Sabap in pagpasinsiyaen mi i nagkasalaꞌan asat imyu, pasinsiyaen kamu gasiꞌ yan it Amaꞌ mi nga duꞌun it langit.

Mateo 6:9

Atkaytu i magayen nga panalangin mi. ‘Amaꞌ namen nga kat langit, bantugun baw kilalaen nga ega babasta-bastaen i ngaran mu.

Mateo 7:11

Ta, in kamu nga makasalaꞌan, magkaꞌrut megay it magagayeng bagay kat mga anak mi, daꞌga baꞌ subraꞌ na i Amaꞌ mi nga duꞌut langit? Talagang ibgay yay mga magagayeng bagay kat mga magꞌangut duꞌun it kanya.

Lucas 11:2

Katubag si Jesus, maat ya, “Ta, atkaytu i magayen nga panalangin mi. ‘Amaꞌ, bantugun baw kilalaen nga ega babasta-bastaen i ngaran mu. Pagꞌangutun namen nga madaliꞌ na mabut i pagꞌadiꞌan mu nay muꞌsang katataawan.

Lucas 15:17

Iyan napikir-pikir ya nay binwat ya ngayti nga atkayti, miyabut kat nakem ya, ‘Aaꞌ,’ maat ya, ‘kadakel it mga manigꞌurnal ni Amaꞌ, pagustuꞌ sirat pangaꞌen baw magsubraꞌ paꞌ. Aku ngaytu kayti, pagpuyangten aku na situ!

Lucas 15:19

Talagang ega naytu mapakay nga taꞌwagen mu paꞌ aku nga anak mu. Ipabetang mu na lamang aku nga esa nga manigꞌurnal mu.”’

Lucas 15:21

Kaꞌampang i anak ya ngayti, maat ya, ‘Amaꞌ, talagang nagkasalaꞌan aku naytu duꞌun it Ampuꞌang Diyus baw situt imu. Ega naytu mapakay nga taꞌwagen mu paꞌ aku nga anak mu.’

Lucas 18:13

Iti, manigpabayad ngaytit barayadan, ala-alaid kanya duꞌun it Pariseo baw beken nga taw. Magrurungguk kanya nga subuk magꞌeyaꞌ yumaꞌngad duꞌut langit, baw siging baneg yat deꞌgan ya kat kadakulat kasmek ya. Maat i panalangin ya, ‘Ampuꞌang Diyus, sanguꞌan mu naga aku ngayni nga makasalaꞌan.’