Lucas 14:3 - Tagbanwa

³ Aypaꞌ ka iningkut ni Jesus i mga Pariseo baw mga manigpaꞌyag it urdin. “Unu,” maat ya, “uyun kat urdin nga papdek it sarut in Aldaw it Kapaꞌnaan u ega?”

Lucas 14:3 Iomraidhean Croise

Mateo 12:10

May esang lalaki duꞌun nga kimay i alima ya. May duꞌun gasiꞌ nga in pirang kataawan nga magtulus it in unuy mapatikdan nira nga masalaꞌan nira it ki Jesus. Aypaꞌ iningkut nira kanya nga magꞌaat, “Unu, ega kuntraꞌ kat urdin nga pagayen it magsarut in Aldaw it Kapaꞌnaan?”

Mateo 12:2

Pagkalteg it mga Pariseo, inaat nira si Jesus, “Letganan muy pagbuwaten it mga alagad mu ngayan! Daꞌga baꞌ pagliꞌyan i magkayeg in Aldaw ngaytut Kapaꞌnaan?”

Mateo 22:35

Sang kataawan it kanira, inadalan yat pagayen-gayen i pasar it mga urdin ni Moises. Iti i miningkut it ki Jesus, nga sukda-sukdan it kanya, nga magꞌaat,

Marcos 3:4

Bawnga iningkut yay mga taw ngayti, maat ya, “Ari manggid i uyun kat urdin, muwat it magayen u muwat it maraꞌe-raꞌet in Aldaw it Kapaꞌnaan? Unu, rimibri it ginawa u mimatay?” Temed daꞌgay timnubag it kanya nga mga taw ngayti.

Lucas 14:2

May nagpatpad duꞌut ki Jesus nga esang taw nga sasarutun, nga sagpiꞌ it sarut ya ngayti, dakulang getek it mga aꞌay baw alima ya.

Lucas 14:4

Temed daꞌgay riꞌe-riꞌeng it mga iningkut ya ngayti. Ta, binwat ni Jesus, singkel yay alima it magsarut ngayti ka piyagayen ya, bawnga piyapanaw ya na kanya.

Lucas 6:9

Mampang si Jesus, maat yat kanira, “Ta, ingkutun ku kamu. Ari manggid i uyun kat urdin, muwat it magayen u muwat it maraꞌe-raꞌet in Aldaw it Kapaꞌnaan? Unu, rimibri it ginawa u mimatay?”

Juan 7:23

In magpanuriꞌ kamu it maski Aldaw it Kapaꞌnaan, isaꞌun lamang masunud mi i ipiyagꞌurdin ngayti ni Moises, ta unuka pagꞌisgan mi aku sabap duꞌun it pagpagayen ku ngayti it magsarut kat Aldaw it Kapaꞌnaan?