Lucas 14:23 - Tagbanwa

²³ ‘Ta sigi,’ maat it agalen ya ngayti, ‘paꞌaduꞌun kat mga dalan kat liꞌwan it siyudad baw duꞌun it mga kumbu-kumbuꞌ it mga kaꞌildaw-ildaw. Regesen mu nay mga taw nga, maski magpangangaliꞌ sira, temed paꞌasitu naga isaꞌun mapnuꞌ i balay ku ngaytu.’

Lucas 14:23 Iomraidhean Croise

Colosas 1:28

Si Cristo ngaytuy ipagpanadal namen kat muꞌsang taw. Kat kadakulat kasepsep nga ipagbegay it Ampuꞌang Diyus it amen ipagpangadal baw ipagsasar namen i muꞌsa, isaꞌun makapaꞌadap namen sirang muꞌsa kat adapan it Ampuꞌang Diyus it ustuꞌ nang mga taawan ya, nga egay magkaꞌiway yat kanira sabap it pakilagpit nirat ki Cristo.

2 Corinto 5:11

Ta, paribasay magkaꞌrutan namen nga kaiꞌlaman talaga i pangukuman ngaytut Ampuꞌan, pagpaꞌresan namen nga kabigen i mga katataawan nga pasakep it kanya. Magkaꞌrutan talaga it Ampuꞌang Diyus nga egay maraꞌe-raꞌet nga antap it nakem namen kat pangadal namen ngaytu, baw pagꞌiꞌinawaren ku nga natantuwan gasiꞌ tu it nakem mi.

2 Timoteo 4:2

Ipagsekat ku nga, maski unu nga timpu, ipangadal mu nga pirmi i ampang ngaytu nga kamatuudan. Ipalbaw mut mga pagpangadalan mu i mga kamaliꞌ nira, sardawun mu baw paksegen muy nakem nira nga muwat sirat mataldeng. Buwaten muy muꞌsa ngaytu it may dakulang kapalulusan baw luway-luway nga tulduꞌ.

2 Corinto 5:20

Aypaꞌ kami ngaytu, mga taraꞌgen ni Cristo, nga subung baꞌ it Ampuꞌang Diyus na i magpakiꞌupakat it mga katataawan nga kami i pagsarigan ya nga manigpanuturan it ampang ya. Talagang maseked-seked i ipagpakiꞌupakat namen it mga taw nga pasakep sirat Ampuꞌang Diyus isaꞌun magkagayen na sira duꞌut kanya.

Colosas 1:23

Temed gasiꞌ, kaꞌilangan nga maneꞌteꞌ kamu kat pamayaꞌ mi isaꞌun mapaꞌgen baw magꞌuꞌunay talaga, nga ega magꞌugad it maski sang dekeyeꞌ i kasiguruwan mi it tumbas nga ipagsanggup it Magayeng Baritaꞌ. Magayeng Baritaꞌ ngaytu, yanagay ipiyangadal asat imyu it tagnaꞌ, baw kayti ipiyangadal gasiꞌ kat belag-belag nga bangsa it taw situt sinirungat langit. Kat pabetang-betang it Ampuꞌan binwat ya aku, aku nga si Pablo, nga esang manigsirbi ya kat pangadal it ituꞌun ngaytu.

Roma 10:18

Temed barang ega namayaꞌ i mga Judio sabap ega natuturanan sirat mga bagay ngaytu, maat i ingkut ku. Temed ega. Talagang natuturanan na sira. Ka daꞌga baꞌ may magbebtang duꞌut kasuratan nga magꞌaat, “Nagnegan na i pagꞌaaten nira kat muꞌsang banwa. Nanlekep talagay ampang nira kat muꞌsang rugar situt sinirungat langit.”

Mga Binwat 28:28

Maat pay paꞌugdun ni Pablo, “Aypaꞌ it atkayan, nga ega kupamayaꞌ i kadaklan it mga Judio, kaꞌilangan matantuwan mi tu, nga duꞌun nat mga taw nga ega Judio i pagtaꞌgan it amen nga mangadal it Magayen ngaytung Baritaꞌ it Ampuꞌang Diyus pasar it karibriyan. Talagang pagsisiguruun ku nga ega dumaꞌga sira.”

Mga Binwat 18:6

Temed ta, kiyuntraꞌ baw tinibabaꞌ si Pablo it mga Judio ngayti. Aypaꞌ, iyan atnakayti, tiyapruwan ni Pablo i pakayan ya, nga imandaꞌan it subuk pagbibasen ya na sira. Baw miyaat kanya, “Ta, in atkayan, baalaꞌ kamu nat imyu. In maꞌulug kamu kat panriga, daꞌga nayan kasalaꞌan ku, imyu mana. Kayti, mga taw na nga ega Judio i tulduꞌan ku.”

2 Corinto 6:1

Ta, it kami, mga manigbuwat na kat buwaten ngaytu it Ampuꞌang Diyus, maseked-seked gasiꞌ nga ipagpakiꞌupakat namen it imyu, kamu nga timnanggap na it ildaw it Ampuꞌang Diyus. Ega sana desang kalabtaꞌen mi i ildaw ya ngaytu, ka in atkayan limiꞌwan nga egay kapulusan.

Mga Binwat 9:15

Temed maat siꞌ it Ampuꞌan it ki Ananias, “Aduꞌunun mu na kanya, ka piniliꞌ ku nagay itung taw nga magsirbi it aken. Manuturan nayan kanya pasar it aken. Baw ega lamang mga Judio i tuturanan ya, in daꞌga mga bangsa gasiꞌ nga ega Judio, pati mga adiꞌ nira.

Mateo 21:43

Aypaꞌ ka pagꞌaaten ta kamu, ega na kamu nga mga Judio i sakep it kaꞌadiꞌan it Ampuꞌang Diyus, in daꞌga iyan mga taw nga magsirbi it kanya it kamatuudan.

Mga Binwat 16:15

Pagpamayaꞌ ya, nagpabawtis na, pati sira nga kat seled it pamalay-balay ya. Bawnga inupakat ya kami. Maat ya, “In leteg mit aken, namayaꞌ aku nang matuud it Ampuꞌan, duꞌun kamu na mistar it balay namen.” Sigi nang upakat yat amen, aypaꞌ nagpaꞌugad kami na duꞌun it kanira.

Lucas 24:29

Temed inaydan nang inaydan it duwa ngayti. Maat nira, “Sigi na baꞌ, patuluy ka na duꞌun it abutun namen. Ka delem naytu. Ungayan, magsedep nay aldaw.” Aypaꞌ ka miyayaꞌ na si Jesus it kanira.

Mateo 5:41

Ta, in regesen ka gasiꞌ, nga ipapirisiꞌen it esang sundaluꞌ i pirisiꞌen ya it sang kilumitru, magayen in ustuꞌun mu nay mga duwang kilumitru.

Lucas 14:22

Pagkaꞌuliꞌ it taraꞌgen ngayti, maat ya, ‘Agalen, piyamayaꞌ ku nay itiyaꞌeg mu ngayat aken, temed marugar ga lamang i papangaꞌnan.’

Lucas 14:24

Paꞌugdun nga inaat ya, ‘Ka matuud i iꞌaat ku nga egay maski sang kataawan nga mga miyalyus ngayting inimbitar nga makasukdan it ipiyaꞌitsu ku ngaytu nga pangaꞌen.’”