Lucas 14:13 - Tagbanwa

¹³ Aypaꞌ in magꞌitsu ka it dakulaꞌ nga pagkaraꞌnen, yay imbitaren mu, mga makukuriꞌ, mga may mintirat bilug, mga pilay baw mga beleg.

Lucas 14:13 Iomraidhean Croise

Nehemias 8:12

Iyan natupus na, masasagya i kadakel ngayti nga miyuliꞌ. Nagkaraꞌnen-karaꞌnen sira baw biyagiꞌan nira it pangaꞌen i beken nga egay tantu-tantu it kanira. Talagang dakulay kasagyaan nira nga muꞌsa sabap it nasepsepan nira i mga ipiyaꞌyag ngayti it kanira.

Isaias 58:10

Paꞌresan mi it tumabang i mga paggetmanan baw ildawan i mga makukuriꞌ kat in unuy mga kakurangan nira. Sabap yay matuud, basta mga atkaytu i buwat mi, manggayen nay kabetangan mi, nga subung it sakpen kamu nat kaꞌyagan. Ka iyan kadleman nga magsasakep pat imyu kayti, magbalyu na nga subung it eyag it nakaꞌugtu.

Isaias 58:7

Iyan mga paggetmanan, pakaꞌnen mi. Iyan mga egay pagtataꞌidan, pataꞌiden mi asat balay mi. Iyan mga taw nga lebas na, papakayan mi. Ega daꞌgaen mi i mga kabilug mi nga magpadangep asat imyu.

Mateo 15:30

Nagsigꞌabut i dakel na nga dakel nga taw, nga taban nira, mga pilay, beleg, may mintirat bilug, buyun baw beken na nga kalasit sarut. Idiyuꞌun nirat adapan ni Jesus baw piyagayen ya sira nga muꞌsa.

Mateo 22:10

Napanaw nay mga uripen ngayti. Naꞌaduꞌun na sira it mataawun nga dalan. Piyabayaꞌ niray kumpur magkakitaan nira, nakman baw mga buwal. Unu paꞌ it magꞌitek-itek it kadakel it taw i pagkaraꞌnen ngayti.

Lucas 11:41

Aypaꞌ imbis nga adat nga malupig, mamgay kamut masagyay nakem it ildaw mi duꞌun it mga makukuriꞌ. Ta, magbaraꞌ nayan nga subuk limpiyuꞌ kamu na nga matuud.

Lucas 14:12

Bawnga inaat ni Jesus i minimbitar ngaytit kanya. Maat ya, “Basta may pagkaraꞌnen mu, ega iyan i imbitaren mu, mga iba-iba, mga sulsug u beken nga kaduguꞌan mu, u mga manggaden nga kamalay. Ka simpri, belsen ka gasiꞌ nira it mimbitar. Ta daꞌga, natumbasan ka na.

Lucas 14:14

Simpri egay makatumbas nirat imu. Aypaꞌ ka subraꞌ ka nga makasagya, ka Ampuꞌang Diyus i tumumbas it imu, asan it egnen ya nat paꞌuliꞌ i mga taw nga mataldeng kat panleteg ya.”

Lucas 14:21

Egay beken, miyuliꞌ nay taraꞌgen ngayti nga tiyaꞌeg. Yanayti isiyugid ya duꞌun it agalen ya. Ta unupat nangiseg na. Maat ya siꞌ it taraꞌgen ya ngayti, ‘Sigi, mapanaw ka naga. Paꞌaduꞌun kat mga karsadaꞌ it siyudad ngaytu baw yanay sariyen mut pabayaꞌ, mga makukuriꞌ, mga may mintirat bilug, mga beleg baw mga pilay.’

Mga Binwat 9:39

Aypaꞌ, pagkasugid it ki Pedro, miyayaꞌ kanya it kanira. Pagꞌabut ya duꞌun it Jope, tiyaban kanya duꞌun it dibwat ngayting seled nga pagdadayagan it miyatay ngayti. Pagkasled ya, nagsigdarmuk it kanya i mga balu nga babay nga mamagsugaw duꞌun. Ipiyalteg nirat kanya i muꞌsang kalasit pakayan nga tiyaiꞌ ni Dorcas, nga ildaw yat kanira iyan egen paꞌ kanya.

1 Timoteo 3:2

Temed magpamaalaꞌ ngaytu, kaꞌilangan egay maꞌiway kat mga adat ya, ega magpaꞌugad-ugad it asawa ya, pasasangba-sangbat. Baw magkaꞌrut sumupil it sadili ya, baw pagbebegbegan yat magayen i sadiling kaꞌirgan. Kaꞌilangan gasiꞌ nga purus magayen i adat nga mapakay galangen it beken, pagꞌistimaren yat magayen i mga taw nga magpaꞌabut kat balay ya, baw may kaya naga it magpangadal.

1 Timoteo 5:10

Kaꞌilangan gasiꞌ nga matanug i mga adat yang magagayen, nga piyadisiran yat magayen i mga anak ya baw pagꞌistimaren yat magayen i mga taw nga magpaꞌabut duꞌut kanya. Egay pagdaꞌgaen ya nga pagsirbi it mga kaꞌibaan ya nga magpamayaꞌ. Pagtabangen yay mga magkakuriꞌan. Baw kaꞌlay ngaytu, yanay pagragaen ya, muꞌsang mga buwat nga magayen.

Tito 1:8

In daꞌga, kaꞌilangan nga pagꞌistimaren yat magayen i mga taw nga magpaꞌabut kat balay ya. Paglabiyen yay magagayeng buwat, magkaꞌrut sumupil it sadili ya, mataldeng kanya baw maꞌireg it sagyaan kanyat Ampuꞌang Diyus. Baw ega na pagsumbayaꞌen ya i kaꞌiꞌirgan nga maraꞌe-raꞌet.

Filemon 1:7

Pagmaꞌaleng sulsug kat pamayaꞌ, talagang kiminseg i nakem namen baw simnagya kami nga banar pagkabaritaꞌ namen it raras mu it mga maꞌiba mu, ka dakel kunuꞌ i mga taawan it Ampuꞌang Diyus nga napasagya muy nakem nira.

Hebreo 13:2

Ega mi lipa-lipaten nga pagpaꞌapyaten mi kat balay mi i taga belag nga rugar. Ka may nakabwat naytu it atkaytu, ta palan mga anghil i napaꞌapyat nira.