Lucas 14:11 - Tagbanwa

¹¹ Ka yay matuud, iyan mapiyataꞌas-taꞌas, buwaten kanya nga mababaꞌ. Baw iyan mapiyababaꞌ, iyan i buwaten nga mataꞌas.”

Lucas 14:11 Iomraidhean Croise

Mateo 23:12

Ka iyan mapiyataꞌas-taꞌas, buwaten kanyat Ampuꞌang Diyus nga mababaꞌ. Baw iyan mapiyababaꞌ, iyan i buwaten ya nga mataꞌas.

Lucas 1:51

Kat mga pagbuwaten ya, ipagpatantu yay ega masbungan nga guna ya. Ka tiyariwanak ya na i mga taw nga subraꞌan kat nakem nira.

Lucas 1:52

May mga adiꞌ nga inawaꞌan ya nat pagkaꞌadiꞌ. Baw may mga raꞌyat nga ipiyataꞌas nat Ampuꞌang Diyus.

Lucas 14:12

Bawnga inaat ni Jesus i minimbitar ngaytit kanya. Maat ya, “Basta may pagkaraꞌnen mu, ega iyan i imbitaren mu, mga iba-iba, mga sulsug u beken nga kaduguꞌan mu, u mga manggaden nga kamalay. Ka simpri, belsen ka gasiꞌ nira it mimbitar. Ta daꞌga, natumbasan ka na.

Lucas 18:14

Matuud talagay iꞌaat kut imyu, nga iti nga taw, miyuliꞌ kanya nga ipagpabetang nat Ampuꞌang Diyus nga mataldeng, ka piyasinsiya nay mga kasalaꞌan ya. Temed iti, Pariseo ngayti, ega. Sabap yay matuud, siyu-siyuy mapiyataꞌas-taꞌas, buwaten kanya nga mababaꞌ, temed iyan mapiyababaꞌ, iyan i ipataꞌas.”

Santiago 1:9

Iyan sulsug kat pamayaꞌ nga raꞌyat situt banwa, magayen sagyaan yay kataꞌasan ya kat panleteg it Ampuꞌang Diyus nga miniliꞌ it kanya.

Santiago 4:10

Pababaꞌ kamu baꞌ kat panleteg it Ampuꞌang Diyus. Sabap, iyan mapiyababaꞌ, ipataꞌas ya.

Santiago 4:6

Temed subraꞌ paꞌ kaytu i ildaw nga ipagbegay it Ampuꞌang Diyus. Aypaꞌ ka magsusurat kat kasuratan nga magꞌaat, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”

1 Pedro 5:6

Aypaꞌ pababaꞌ kamu nga pasakep it kamatuudan kat gunaan nga Ampuꞌang Diyus nga magpabetang-betang it muꞌsa. Ka in atkayan, ipataꞌas ya kamu in naꞌbut nay ipiyabetang-betang ya nga timpu.

1 Samuel 15:17

Maat ni Samuel, “Iyan tagnaꞌ, ikaw mismu i nagpakilala nga timawaꞌ ka. Kayti ikaw nay ulu-ulu it mga Israelita, sabap piniliꞌ ka na it AMPUꞌANG DIYUS baw piyaturuꞌan kat lana isaꞌun kapagꞌadiꞌ ka.