Lucas 13:34 - Tagbanwa

³⁴ Bawnga maat ni Jesus, “Kaꞌildaw-ildaw talaga i mga taga Jerusalem! Sira nga pagsariyen it imatay it buntal it batu i mga prupitaꞌ nga pamagpaꞌasanen it kanira it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga duꞌun, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg nira.

Lucas 13:34 Iomraidhean Croise

Nehemias 9:26

Maat nira, “Maski dakulay ildaw mu it mga kagiyaringanan namen, ega siyunud nira ikaw in daꞌga kiyalaban nira ga. Piyasngelan nira i mga urdin mu baw, iyan pagsitaren sira it mga prupitaꞌ nga tiyaꞌeg mu isaꞌun papaꞌuliꞌen sira asan it imu, piyangimatay nira ga. Talagang dakulay panibabaꞌ nira it imu.

Nehemias 9:30

Pira-pira nga taꞌun nga pabayaꞌ-bayaꞌ mu it kanira. Tiyaldeng mu paꞌ sira it ampang nga ipiyasugid mu it mga prupitaꞌ mu kat panakem it Espiritu Santo mu. Temed ega naga nagpagneg sira. Aypaꞌ ka ipiyasakep mu siꞌ sira it mga beken nga bangsa.

Mateo 22:3

Iyan simpan na, singkat ya nay mga uripen ya nga pamaꞌrutan nay kumpur inimbitar, temed daꞌsira kuparagiꞌ.

Mateo 22:6

Iyan beken, riyusuban niray mga uripen ngayti, tinibabaꞌ bawnga inimatay.

Lucas 15:28

Pagkagneg it akaꞌ ngayti, nangiseg. Ega na limnangbus duꞌut balay. Egay beken, inaduꞌun it amaꞌ ya ka ininu-inu kanya.

Lucas 19:44

Talagang ranggaꞌen nira i siyudad baw puuꞌun niray mga taw duꞌun. Baw maski sangbat nga batu, egay ipaꞌped nira duꞌun it pagruruknuꞌan ya. Pataꞌnan sirat Ampuꞌang Diyus nga muwat it atkayti ngayti sabap ega kinilala mi aku nga tiyaꞌeg ya nga rimibri it imyu.”

Lucas 23:28

Liningaw sira ni Jesus baw maat ya it kanira, “Kamu nga mga babay it Jerusalem, ega sugawan mi aku. Iyan i sugawan mi, bilug mi nga sadili baw mga anak mi.

Mga Binwat 7:52

Daꞌga baꞌ, mga prupitaꞌ it tagnaꞌ, daꞌgay-daꞌga piyakuriꞌan it mga kagiyaringanan mi ngayti? Baw inimatay nira paꞌ i mga piyapasugid it Ampuꞌang Diyus pasar it pangabut it mataldeng nga manigsirbi ya nga si Jesus. Ta kamu na kayti, kamu i subuk dimnagang it ki Jesus ngayti. Kamu i nagpaꞌimatay it kanya,

Mga Binwat 7:59

Siging buntal nira, siging panalangin ni Esteban nga magꞌaat, “Ampuꞌan ku nga si Jesus, tanggapen mu i kiyarurwa ku.”

Mga Binwat 8:1

Si Saulo ngayti, siyagyaan ya nga banar i pagꞌimatay ngaytit ki Esteban. Baw garing it iting aldaw, talagang pagpakuriꞌan ya nay kadakel it mga magpamayaꞌ nga duꞌun it Jerusalem. Aypaꞌ ka, magpuyrat mga apustul ngayti, natari-tariwanak na i mga magpamayaꞌ duꞌun it muꞌsang Judea baw Samaria.

Mga Ipiyalteg 11:8

Bawnga muntulan i mga bilug nira nga patay na duꞌun it karsadaꞌ it ega ngayti basta-bastang siyudad, nga tagnaꞌ duꞌun kayti iriyansang duꞌun it krus i Ampuꞌan nirang si Jesus. Ta iti, siyudad ngaytit Jerusalem, pagpangaranan gasiꞌ it Sodoma baw Egipto, sabap it mga adat it taga duꞌun nga talagang subung nat mararaꞌe-raꞌet nga adat it taga Sodoma baw Egipto ngayti it tagnaꞌ paꞌ.