Lucas 13:32 - Tagbanwa

³² Katubag si Jesus, maat ya, “Paꞌaduꞌun kamu it adiꞌ ngayting si Herodes, nga kabilangan ya, mapiyangakal nga pasla. Isugid mit kanya nga daꞌku mapaiꞌlam ya nga maat limꞌid aku situ it paꞌereg-ereg. Ipasigi ku nagaytuy buwaten ku nga magpangimugaw it maraꞌe-raꞌet baw magpagayen it mga magsarut, ka may timpu ku paꞌ maski ega na maꞌlay. Bawnga mabut talaga nga natuman ku nay muꞌsa.

Lucas 13:32 Iomraidhean Croise

Marcos 6:14

Nakaꞌbut duꞌun it adiꞌ ngaytit Galilea nga si Herodes i baritaꞌ pasar it ki Jesus, ka pagdaya-dayawun nay iti nga ngaran. May magꞌaat nga, “Si Juan naga ngayan bayang namawtis! Naꞌgen naga yan it paꞌuliꞌ, aypaꞌ yan ka magkabwat it mga kalililuꞌan ngayang bagay.”

Juan 10:32

Egay beken inaat sira ni Jesus, “Dakel nga mga magagayeng buwat nga garing duꞌut Amaꞌ nga ipagpalteg kut imyu. Ta ariyen kat mga buwat ngaytu i ega magkapakay mi, aypaꞌ ka pagkubatuun mi aku?”

Juan 19:30

Pagkataꞌman ni Jesus it iti ngayti, miyampang kanya nga magꞌaat, “Natuman nay muꞌsa!” Pagkaꞌampang ya kayti, rimnungguk na kanya ka piyapalagsik ya nay kiyarurwa ya.

Hebreo 2:10

Paribasay muꞌsang bagay, ipiyabetang-betang it Ampuꞌang Diyus baw kat ikabantug ya i muꞌsa ngaytu, talagang mapakay nga ipiyabetang-betang ya nga si Jesus ngaytu, sumagkaꞌ it dakulang kakuriꞌan. Ka sikayan kiyumplitu ni Jesus i kumpur kaꞌilangan yang buwaten isaꞌun dakel nga taw nga inanak it Ampuꞌang Diyus i mataban ya kat ega basta-bastang kabantugan. Si Jesus lamang i piyanggaringan it karibriyan baw kanya i magpanguꞌnaan it kanira kat karibriyan nira ngaytu.

Hebreo 5:9

Ta paribasay nasunud ya i muꞌsa it egay kakurangan, nagbaraꞌ na kanya nga piyanggaringan it karibriyan nga kaꞌgenang egay kaskedan, nga ibgay yat muꞌsa nga may kamatuudan nga pagsunud it kanya.

Hebreo 7:28

Kat mga urdin ni Moises, kat mga taw i pamiliꞌan it kada Piyakamataꞌas nga Sasirduti, maski makasalaꞌan sira ka taw naga. Temed pagtaꞌlib it naꞌlay nga timpu garing it pagbegay it mga urdin duꞌut ki Moises, simnumpa i Ampuꞌang Diyus, nga Anak ya nga si Jesus i riyumraan ya nga Piyakamataꞌas nga Sasirduti. Ka nasunud ni Jesus it egay kakurangan i muꞌsang ipiyabetang-betang it Ampuꞌang Diyus kat ikaribri it taw. Aypaꞌ kanya i Piyakamataꞌas nga Sasirduti nga magpanindeg it aten it kaꞌustuꞌan it egay kaskedan.