Lucas 13:27 - Tagbanwa

²⁷ Pagtubag yan it Ampuꞌan, maat ya, ‘Ega bayan talaga pagkilalaen ku kamu nga kaꞌibaan ku. Magpaꞌalaid kamu na situt aken, kamung muꞌsa nga mamumuwat it karaꞌe-raꞌetan!’

Lucas 13:27 Iomraidhean Croise

Mateo 25:12

Temed katubag i piyataꞌwagan ngayti, ‘Yay matuud, ega bayan kilala ku kamu nga kaꞌuyutan ku.’

Mateo 25:41

Bawnga aaten ku siꞌ i kat gibang ku ngaytung ayun, ‘Imyu, paꞌalaid kamu situt aken, mga pagꞌaꞌargan it panriga. Duꞌun kamu na it apuy nga ega magpugda-pugdaw, nga panriga nga ipiyagꞌareg it ki Satanas baw mga taraꞌgen ya.

Lucas 13:25

Ka subuk isiradu nat tagbalay i talaꞌep. Ta, timitindeg kamu na lamang duꞌun it liꞌwan, magpaꞌungaꞌ-ungaꞌ nga pasleden, nga maat mi yan, ‘Ampuꞌan, asi-asi paꞌ, pasleden mu naga kami.’ Maat yan i tubag yat imyu, ‘Ega bayan magkakilalaan ku kamu in siyu kamu yan.’

1 Corinto 8:3

Temed iyan taw nga magraras it masigkataw ya, yay pagkilalaen it Ampuꞌang Diyus nga taw nga may kamatuudan nga kasepsep ngaytu.

Galacia 4:9

Temed kayti, sabap it pagkilala it Ampuꞌang Diyus it imyu, pagkilalaen mi na kanyang banar. Ta it atkaytu na, unuka magpaꞌuripen kamu siꞌ it iyan dalan nga egay keseg baw egay kuwintaꞌ?

2 Timoteo 2:19

Temed talagang mapaꞌgeng-mapaꞌgen i kamatuudan nga garing duꞌut Ampuꞌang Diyus baw magꞌuꞌunay sikaytu i pamayaꞌ it mga taawan ya. Binggayan ya paꞌ sirat kariꞌgenan nga magꞌaat, “Magkakilalaan it Ampuꞌang Diyus i kumpur taawan ya nga matuud.” Baw paꞌugdun ya paꞌ, “Kaꞌilangan nga in siyuy magpamatuud nga nagpasakep na kanyat Ampuꞌan, paꞌalaidan yay muꞌsang karaꞌe-raꞌetan.”