Lucas 13:24 - Tagbanwa

²⁴ “Talagang paꞌresan mi nga semled duꞌun it masupit nga puwirtaꞌan. Ka matuud i iꞌaat kut imyu nga mabut i aldaw nga dakel nay magreges nga kusled duꞌun it kaꞌadiꞌan it Ampuꞌang Diyus, temed ega na makasled ka nasauryan na.

Lucas 13:24 Iomraidhean Croise

Isaias 1:15

Aypaꞌ, maski tumaꞌwag kamu it aken, benglen ku ga i talinga ku. Ega guman-gumanen ta kamu. Maski manalangin kamu na nga manalangin, ega pagnegan ku kamu. Sabap dakel na i gintas mi nga ginawa it taw.

Mateo 11:12

Ka garing it pagpangadal ni Juan ngaytu nga uꞌna-uꞌnang namawtis seked kayti, talagang pagꞌapasen namen nga banar nga makalkep i kaꞌadiꞌan it Ampuꞌang Diyus, baw pagpatikesegan it mga taw i kapasakep kaytu.

Lucas 13:23

Kaꞌsa may esang miningkut it kanya, nga magꞌaat, “Unu yan, Ampuꞌan, ega dakel i maribri kat panriga ngayan nga paꞌaaten?” Katubag si Jesus, maat ya,

Lucas 21:36

Aypaꞌ magꞌaꞌalistu kamu nga pirmi, baw pirming magpanalangin nga magꞌangut it ega maꞌunu i pamayaꞌ baw pagsarig mit aken pagꞌabut it mga kakuriꞌan ngaytu. In daꞌga, makateꞌteꞌ kamu, isaꞌun masagya kamu nga kaꞌadap it aken nga Taga Langit nga Ipiyanganak it Taw it egay pagꞌiꞌlaman.”

Juan 13:33

Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 5:4

Sabap katuturanan nira, magpanlampud sumang kaꞌanu i esang anghil it Ampuꞌang Diyus baw pagkawkawun yay danum ngayti. Siyu-siyuy makauꞌna it lumampud baw temegday it danum ngayti in makawkaw na, maski unu nga sarut i sarut ya, gumayen na.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 7:34

Tegelen mi yan aku it tulus, temed ega nayan maparagan mi aku, ka ega yan kaꞌaduꞌun kamu it uliꞌan ku ngayti.”

Juan 8:21

Saꞌup siꞌ nga inaat ni Jesus it mga katataawan, “Talagang limꞌid aku. Tulusun mi yan aku it temegel, temed matay kamu lamang it ega napasinsiya i kasalaꞌan mi. Daꞌkamu talaga kaꞌaduꞌun it aduꞌunan ku.”

Roma 10:3

Sabap imbis nga kilalaen nira i ipiyaꞌrut it Ampuꞌang Diyus it kanira in magꞌuꞌunu tumaldeng i taw kat panleteg ya, yagay piyaꞌresan nira, sadili nirang pabetang-betang nga pagsunud nirat mga urdin. Ega maat pagpaꞌuyunan nira i pabetang-betang it Ampuꞌang Diyus in magꞌuꞌunu mapisiꞌ i italdeng ngaytu.

Colosas 1:29

Aypaꞌ pagpaꞌresan ku nga banar i katengdanan ku ngaytu kat keseg it ega basta-bastang kakayaan nga ipagbegay ni Cristo it aken.

Hebreo 4:11

Aypaꞌ paꞌres tami nga makaꞌuyut it kapaꞌnaan ngaytu, isaꞌun daꞌtami makasbung it beken ngayting mga Israelita nga nariga-riga lamang sabap it ega namagsunud it mga inaat it Ampuꞌang Diyus.

Josue 7:3

Pagkaꞌuliꞌ nira, maat nirat ki Josue ngayti, “Ega na kaꞌilangan nga paꞌaduꞌun paꞌ nga muꞌsa. Siguru duwa u tulung ribu nga kataawan i pasulungun mu duꞌut siyudad ngaytit Hai, tamaꞌ na. Ega riga-rigaen nga muꞌsa ka ega naga dadaklan i taw ya duꞌut iting siyudad.”

2 Pedro 1:10

Aypaꞌ kamu nga mga sulsug ku kat pamayaꞌ, sana dungagan mi pay paꞌres mi it muꞌsa ngaytu, isaꞌun masiguru mi kat magayeng pagꞌadaten mi nga kamu, kaꞌuyutan naga it mga piniliꞌ baw ipiyapinpin it Ampuꞌang Diyus nga mga taawan ya na. Ka basta atkayan i buwaten mi, talagang daꞌkamu mangindiꞌ it pamayaꞌ mi ngaytu.