Lucas 13:19 - Tagbanwa

¹⁹ Subung tu it alit it mustasaꞌ nga ilinwak it esang taw duꞌun it kalulwakan ya. Ta, kiminseg tu seked it nagbalyu nga kayu. Egay beken, piyugadan na it mga manu-manuk i mga sanga ya.”

Lucas 13:19 Iomraidhean Croise

Isaias 53:1

Katubag i mga taw, “Subuk egay magpakimatuud it ipiyanuturan ngaytu it amen. Subuk egay tiyaꞌseb it in unu talagay pagpapuntuꞌan it mga pagbuwaten ngaytu kat keseg it guna it AMPUꞌANG DIYUS.

Isaias 53:10

Temed talagang pabetang-betang it AMPUꞌANG DIYUS nga pakuriꞌan baw imatayen ngaytu kanya. Sabap in buwaten kanya nga salisi nga ipagꞌangut it kapasinsiyaan it kasalaꞌan, baraꞌan ya, paꞌlayen nang banar kanya baw maltegan ya nga dumakel i mga tungtung-inapuꞌ ya. Baw, kat mga buwaten ya, matuman nga banar i kumpur ipiyabetang-betang it AMPUꞌANG DIYUS.

Isaias 58:11

Baw aku nga AMPUꞌANG DIYUS, magpanguꞌna aku nayan nga pirmi it imyu. Maski magkakuriꞌan i banwa ka naꞌlay nang ega tindag it uran, pabastantiyan ku kamu it muꞌsang mga pagkaꞌilanganen mi. Pakulaꞌsiyen ku i mga bilug mi. Talagang makasbung kamu it kalulwakan nga pagpabastantiyan it buꞌbuꞌ it danum. Makasbung kamu it tumbud nga ega magkapra.

Isaias 9:7

Talagang pasigi nga dumakel i masakep ya baw, kamatuudan nga kaꞌimbengan ngaytu nga taban ya, pasigi gasiꞌ nga ipapanaw ya seked it kaꞌnu-kaꞌnu. Sumubli kanya kat pagkaꞌadiꞌ ni David baw ipapaꞌgen ya it egay katupusan i pagꞌadiꞌ ya ngaytu it ega basta-bastang kataldengan baw kagayenan. Siguraduytu nga matuman, sabap ipiyabetang-betang nga lagi it AMPUꞌANG DIYUS nga landaw nga gunaan.

Daniel 4:12

Maat maluꞌgum i daꞌun it kayu ngayti, baw nanluyut it buwaꞌ nga magayeng pagkaꞌnen. Iyan mga ramu-ramu, magpapaꞌlung na duꞌun, baw mga manu-manuk, mamagpugad na duꞌut sanga ya ngayti. Talagang muꞌsa nga giyuna, duꞌun na i pagpisiꞌan it pagkaꞌnen.

Daniel 4:21

baw madaꞌunun, nanluyut it buwaꞌ nga magkakaꞌen it kadakel, pagpapaꞌlungan it mga ramu-ramu baw pagpugadan it mga manu-manuk,

Mateo 17:20

Katubag si Jesus, maat ya, “Sabap kurang pay pamayaꞌ mit aken. Sana makasbung i pamayaꞌ mi it dekeyeng alit it mustasaꞌ nga sigi-siging pangseg seked it dakulaꞌ nang luwak. Ka ituy matuud nga iꞌaat kut imyu, in atkaytu i pamayaꞌ mit aken, talagang maski mungsuꞌ ngayan i aaten mi nga paꞌugad, siguradu nga mamayaꞌ it imyu. Egay bagay nga ega makayaan mi basta magꞌuꞌunay situt aken i pagsarig baw pamayaꞌ mi.

Marcos 4:30

“Ta, unu gasiꞌ i pasbungan ta it kaꞌadiꞌan it Ampuꞌang Diyus?” maat siꞌ ni Jesus. “Unu siꞌ i paꞌalimbawaan tami isaꞌun makaladawan it magayen?

Lucas 17:6

Katubag i Ampuꞌan nga si Jesus, maat ya, “Sana makasbung i pamayaꞌ mi it dekeyeng alit it mustasaꞌ nga sigi-siging pangseg seked it dakulaꞌ nang luwak. Ka in atkaytu i pamayaꞌ mit aken, talagang maski kayu ngayan i aaten mu nga magabut, ka duꞌun siꞌ i tindegan yat dagat, siguradu nga mamayaꞌ it imyu.

Mga Binwat 2:41

Ta, egay beken, iyan namayaꞌ it inampang ya ngayti, nagpabawtis na sira. Iting aldaw, tulung ribu i kadakel it nakadungag kat mga magpamayaꞌ it ki Cristo.

Mga Binwat 21:20

Pagkagneg nira, biyantug niray Ampuꞌang Diyus. Bawnga inaat nira si Pablo, “Sulsug namen kat pamayaꞌ, siguru namuyaan mu na nga ribu-ribu nay mga kabilug ta nga Judio nga namagpamayaꞌ nat ki Jesus, baw muꞌsa sira mapaꞌres nga banar kat pagsunud it mga urdin ni Moises.

Mga Binwat 4:4

Temed, dakel nagay mga namagkagneg ngayti nga namayaꞌ it panulduꞌ na Pedro. Aypaꞌ lalaki lamang i bilangen, nakaꞌbut nat limang ribu i kadakel it mga magpamayaꞌ.

Roma 15:19

Kat ega basta-bastang tabang it Espiritu Santo dakel i nabwat kung kalililuꞌang bagay nga tandaꞌanan it matuud i ipagpanulduꞌ ku. Talagang alalaid nang mga banwa i napangadalan kut Magayen ngaytung Baritaꞌ pasar it Manriribri nga si Cristo. Garing duꞌut Jerusalem simingked duꞌut Ilirico subuk egay naribayan ku nga rugar.

Mga Ipiyalteg 11:15

Inyepan nat ikapitu ngayting anghil i kanya ngayting taburi. Bawnga may nagnegan ku nga mamagꞌampang it dadakulaꞌ nga duꞌun it langit, nga magꞌaat, “Muꞌsang katataawan nga kat pudir it simnakep it kanira kat sinirungat langit, kayti sinakepan na sira it Ampuꞌang Diyus tami baw si Jesu-Cristo nga siyarigan ya. Talagang magꞌadiꞌ kanya it egay katupusan.”