Lucas 13:17 - Tagbanwa

¹⁷ Nagꞌeya-eyaꞌ i mga magkuntraꞌ ngaytit ki Jesus sabap it tubag ya ngayti. Temed kadakel it mga taw, talagang pagsagyaan niray ega basta-bastang mga bagay nga pagbuwaten ya.

Lucas 13:17 Iomraidhean Croise

Lucas 14:6

Ingkut ngayti ni Jesus nga itiꞌen, ega naga natubag nira.

Lucas 18:43

Ta iti nga lagi, magkalteg na kanya, langkuy dimnasun na kanyat ki Jesus, baw sigi nga pasalamat ya duꞌun it Ampuꞌang Diyus. Pagkamuyat kadakel ngayti, biyantug nira gasing muꞌsa i Ampuꞌang Diyus.

Lucas 19:48

Temed ega magkaparagan nira in unuy magayeng buwaten, ka puꞌsat taw, magkasaga sirang banar it mga panulduꞌ ngayti ni Jesus.

Lucas 20:40

Ta ega nay nangaas paꞌ nga mingkut it ki Jesus.

Mga Binwat 4:21

Pagkagneg it mga pagbayaꞌen ngayti, inagumaꞌ nira siꞌ na Pedro nga talagang rigaen in ipasigi nira i buwat nira ngayting magpanulduꞌ. Temed ta, ipiyaliꞌwan nira naga, ka ega pay magkaparagan nga in magꞌuꞌunu mariga sira nang lagi. Ka pagꞌiꞌlaman nira i kadakel it mga taw, ka kadakel ngayti, mamagbantug na sirat Ampuꞌang Diyus sabap it nabwat ngayti nga kalililuꞌang bagay.

2 Timoteo 3:9

Temed ega nagay liyapusan it duwa ngayti. Ta mga taw ngaytu gasiꞌ, ega talagay lapusan it buwat nira, in daꞌga mabut i matanyag na kat kadakel i kamaliꞌ nira.

Tito 2:8

Siguruun mu nga purus magayen baw matuud i pagꞌampangen mu isaꞌun egay magkaꞌiway. Ta daꞌga in atkayan, magꞌeyaꞌ-eyaꞌ i mga mamagpakikuntraꞌ ngayat imu ka egay masudi-sudi nirat aten.

1 Pedro 3:16

Baw yanayan, siguruun mi nga yay pagbuwaten mi nga pirmi, iyan lamang nga magkaꞌrutan mi nga mataldeng, isaꞌun mga mamagsaway it pagsirbi mit ki Cristo, magꞌeyaꞌ-eyaꞌ sira it libak nira ngayat imyu.