Lucas 13:13 - Tagbanwa

¹³ Bawnga tiyapal ya, dengan it nakaptat na. Egay beken, biyantug it babay ngayti i Ampuꞌang Diyus.

Lucas 13:13 Iomraidhean Croise

Mateo 9:8

Namagkaliluꞌ i kadakel ngaytit mga taw duꞌun nga namagkalteg, baw inabut sirat iꞌlam. Biyantug niray Ampuꞌang Diyus nga minggay kat taw it atkayti nga pudir.

Marcos 16:18

May mga ega naga maꞌunu maski semkel sira it dukul u minum it kaꞌiꞌilu. May tapalen nira nga mga magsarut, nga mapagayen nira.”

Marcos 5:23

baw nagpasanguꞌ-sanguꞌ nga magꞌaat, “Kubugtuꞌ-bugtuꞌ na bayti i ginawat anak kung babay. In mapakay lamang it imu, mayaꞌ ka it aken, ka tapalen mu kanya isaꞌun medek nagay sarut ya, nga maꞌgen naga kanya.”

Marcos 6:5

Ta it atkayti, egay nabwat ni Jesus duꞌun nga mga kalililuꞌan nga bagay, in daꞌga iti lamang, pirang kataawan nga magsarut i tiyapal ya ka piyagayen ya sira.

Marcos 8:25

Siyaꞌupan siꞌ ni Jesus it tumapal i naglimbang nga matat beleg ngayti. Timnermek na it seyek i beleg ngayti. Ta, nagꞌuliꞌnan nay eyag it mata ya. Magkaltegan ya nang banar i muꞌsa.

Lucas 13:12

Pagkalteg ni Jesus it babay ngayti, tiyaꞌwagan ya, baw inaat nga maat ya, “Edeꞌ, medek nayan i sarut mu ngayan.”

Lucas 18:43

Ta iti nga lagi, magkalteg na kanya, langkuy dimnasun na kanyat ki Jesus, baw sigi nga pasalamat ya duꞌun it Ampuꞌang Diyus. Pagkamuyat kadakel ngayti, biyantug nira gasing muꞌsa i Ampuꞌang Diyus.

Lucas 4:40

Pagsedep it aldaw, muꞌsa nga may magsarut it maski unu nga sarut duꞌun it kanira, piyamagtaban na nira duꞌun it ki Jesus. Tiyapal ni Jesus i kada esa ka piyagayen i mga sarakiten nira.

Mga Binwat 9:17

Ta, egay beken, napanaw na si Ananias, dayun-dayun duꞌut iting balay. Pagkasled ya, tiyapal ya si Saulo ngayti bawnga miyampang. Maat ya, “Saulo, nga sulsug ku kat pamayaꞌ, tiyaꞌeg aku baytut Ampuꞌan. Iyan baꞌ, si Jesus nga nagpakikita it imu duꞌun it pagpanawan mu ngaytit magꞌaꞌasitu. Piyaꞌasitu ya aku isaꞌun makalteg ka siꞌ baw isaꞌun pasaruman ka it Espiritu Santo.”