Lucas 13:1 - Tagbanwa

¹ Iyan magpangadal ngayti si Jesus, may miyabut nga mga taw, nagbaritaꞌ duꞌut kanya pasar it pirang kataawan nga taga Galilea nga, dengan it mamagpanalisi sira it ipagꞌangut it kapasinsiyaan duꞌun it Ampuꞌang Diyus, sakaling ipiyaꞌimatay sira it gubirnadur nga si Pilato.

Lucas 13:1 Iomraidhean Croise

Mateo 27:1

Magpangyag, namagrunding i mga pagbayaꞌen it mga sasirduti baw mga mataꞌas nga ginuꞌu. Nagꞌupa-upakaten sira in magꞌuꞌunu i pangimatay it ki Jesus.

Mateo 27:2

Bawnga biyayuk nira si Jesus, ka tiyaban nira duꞌun it ki Pilato nga gubirnadur nga Romano.

Mga Binwat 1:11

Miyampang i duwa ngayti, nga magꞌaat, “Kamung mga taga Galilea, unuka sigi pang yayaꞌngad mi duꞌun it langit? Si Jesus ngaytu nga gimnaring na situt imyu ka miyuliꞌ na duꞌun it langit, mabut nagay aldaw nga paꞌuliꞌ kanya siꞌ situt banwa. Baw in magꞌuꞌunu naltegan mi kanya nga nagpatibung, atkayan naga yan kanya in lumampud siꞌ.”

Mga Binwat 2:7

Talagang naliluꞌ sira nga banar baw magꞌingku-ingkutun, nga magꞌaat, “Daꞌga baꞌ purus taga Galilea i mamagꞌampang ngaytut belag-belag nga mga ampang?

Mga Binwat 5:37

Sumunud sing minwat it atkaytu, si Judas nga taga Galilea, iyan timpu nga paninsus it katataawan. Dakel gasing taw i napasunud ya, temed pagkaꞌimatay gasit kanya, ega nagay liyapusan ka subung nagat tagnaꞌ ngayti, namagkatari-tariwanak gasiꞌ.