Lucas 12:57 - Tagbanwa

⁵⁷ Unuka ega ipagpaꞌabwat mi i pikiran mi, isaꞌun maꞌukuman mi in unuy magayen nga buwaten mi?

Lucas 12:57 Iomraidhean Croise

Mateo 21:21

Mampang si Jesus, maat ya, “Dedemdemen mi tu. In talagang matuud i pamayaꞌ mit Ampuꞌang Diyus, nga ega alab-alaben, mabwat mi gasiꞌ i binwat kut igos ngaytu. Ega lamang yan desang iyan ngayan, in aaten mi i itu nga mungsuꞌ, ‘Limꞌid ka asan, pasugba ka duꞌun it dagat,’ magbaraꞌ yan i inampang mi ngayan.

Mateo 21:32

Sabap naꞌasitu nat imyu si Juan ngayan nga magpamawtis baw ipiyatantu yat imyu i mataldeng nga pangaꞌgenan. Takaꞌ ega pagpamayaꞌnen mi kanya. Temed piyamayaꞌ kanya it mga manigpabayad ngayti it barayadan baw mga babay nga ipagpanulus i bilug. Namuyaan mi nagay namayaꞌ na sira, temed daꞌkamu namayaꞌ it panulduꞌ ya.”

Lucas 21:30

Basta magpandaꞌun na sira, simpri magkaꞌrutan mi nga adeꞌdeng nay panginit nga timpu.

Juan 7:24

Kaꞌilangan kat kataldengan i ipagꞌukuman mi, ega kuꞌaw-kuꞌaw nga ukuman.”

Mga Binwat 2:40

Dakulaꞌ pay inampang ni Pedro nga pamatuud baw sasar ya baw ipiyagbenge-bengel yat kanira, nga magꞌaat, “Iyan siguruun mi nga maribri kamu, nga ega na kaꞌuyutan it mga taw nga maraꞌe-raꞌet i adat, nga talagang rigaen it Ampuꞌang Diyus.”

1 Corinto 11:13

Aypaꞌ kamu na i mukuman in tamaꞌ nga pagbuwaten u ega in magpanalangin duꞌut Ampuꞌang Diyus i esang babay kat sarungaan it kadakel it egay yumyum it rupa ya.

1 Corinto 11:14

Daꞌga baꞌ singkadan tang lagi nga kaꞌeyaꞌ-eyaꞌ it lalaki i magpaꞌabwatay it buꞌuk,