Lucas 12:5 - Tagbanwa

⁵ Temed kayti, isugid kut imyu nga in siyuy iꞌlaman mi. Iyan Ampuꞌang Diyus i dapat nga iꞌlaman mi. Sabap kanya, basta baiꞌen yay ginawa mi, may pudir ya paꞌ nga tumalpak it imyu duꞌun it apuy nga egay kapugdawan ya. Eeꞌ baꞌ, kanya talaga i dapat nga iꞌlaman mi.

Lucas 12:5 Iomraidhean Croise

Mateo 10:28

Ayaw kamut iꞌlam it taw nga magꞌimatay it bilug, temed ega magkaꞌimatay it kiyarurwa. Iyan talagay iꞌlaman mi, Ampuꞌang Diyus, nga kanya i magkaranggaꞌ it kiyarurwa baw bilug duꞌun it apuy nga ega magpamu-pamugdaw.

Mateo 25:41

Bawnga aaten ku siꞌ i kat gibang ku ngaytung ayun, ‘Imyu, paꞌalaid kamu situt aken, mga pagꞌaꞌargan it panriga. Duꞌun kamu na it apuy nga ega magpugda-pugdaw, nga panriga nga ipiyagꞌareg it ki Satanas baw mga taraꞌgen ya.

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Mateo 5:22

Temed kayti aku na i magꞌaat it imyu, maski desang miseg ka it maꞌiba mu, siguradu nga turubagen mu na duꞌun it Ukuman. Ka basta manregda-regda ka, mapakay nga ukumanan ka it manigsurugiden. Aaten muy iba mu, ‘Magpulpug ka!’ mapakay nga iduꞌun ka it apuy nga ega magpamu-pamugdaw, nga panriga it Ampuꞌang Diyus.

Marcos 13:23

Aypaꞌ magꞌintur kamu nga banar. Ipagsugid ku naytung lagi it imyu i muꞌsa ngaytu isaꞌun daꞌkamu naga mateꞌag-teꞌag.

1 Tesalonica 4:6

Eeꞌ baꞌ, kaꞌilangan nga egay mamungad it atay it beken, subraꞌ na in sulsug ya kat pamayaꞌ. Ega salyaen muy asawa ya. Ka daꞌga baꞌ, ipiyangadal namen baw isiyasar it imyu nga in siyu pay magbuwat it atkaytu, egay pagduwa-duwa nga rigaen kanya it Ampuꞌang Diyus?

Hebreo 10:31

Talagang ega lulugud-lugudun in betanganan kat ukuman nga panriga it Ampuꞌang Diyus, kanya nga egen it egay kaskedan.

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.

Mga Ipiyalteg 14:7

Miyampang kanyat dadakulaꞌ nga magꞌaat, “Galangen baw iꞌlaman mi i Ampuꞌang Diyus, baw bantugun mi i ega basta-bastang keseg it guna ya. Sabap naꞌbut nay timpu nga ukumanan ya nay muꞌsang mga taw. Kaꞌilangan nga sambaen mi i Ampuꞌang Diyus ngaytu nga nagguna it langit baw banwa, dagat baw muꞌsang mga pagtumbudan it danum.”

Mga Ipiyalteg 15:4

Siyuy daꞌga miꞌlam it imu, Ampuꞌang Diyus? Siyuy daꞌga pamatuud it kabantugan mu? Ka ikaw lamang i alaid kat kasalaꞌan. Muꞌsa talaga it mga bangsa, matingped baw sumamba it imu. Sabap magkaltegan it muꞌsa i mataldeng nga mga ipiyabetang-betang mu.”

Mga Ipiyalteg 20:14

Pagkatupus kayti, itiyalpak na duꞌun it maglalapnaw ngayting apuy i kamataynen ngaytu baw rugar it mga miyatay. Ega nay kita-kitaen nga mga itu ngaytu, ka tiningled na duꞌun it maglalapnaw ngayting apuy nga iyan i ikadwang kamataynen.