Lucas 12:48 - Tagbanwa

⁴⁸ Temed iyan uripen nga ega magkaꞌrutan yay kaꞌirgan it agalen ya, nga nakabwat mana it kasalaꞌan, rigaen naga yan kanya temed egaytu mabeꞌgat. Yay matuud, iyan inildawan it dakulaꞌ it Ampuꞌang Diyus, dakulaꞌ naga i abigwaren duꞌut kanya. Basta mataꞌas nga katengdanan i ipiyakarguꞌ it esang taw, dakulaꞌ talagang panubagan ya kat pagsarunga ya kaytu.”

Lucas 12:48 Iomraidhean Croise

Mateo 13:12

Iyan magpamayaꞌ nat inadalan ya situt aken, dungagan it Ampuꞌang Diyus i kasepsep ya seked magbastanti nay magkaꞌrutan ya. Temed iyan ega magpakimatuud it nagnegan ya ngaytu, awaꞌen nat Ampuꞌang Diyus i maski iyan nga nasepsepan ya na isaꞌun egay lapusan ya.

Mateo 23:14

Subrang makuriꞌ talaga i magꞌaꞌareg it imyu, mga manigpaꞌyag it urdin baw mga Pariseo. Magbete-beteꞌ kamu nga magpamayaꞌ it Ampuꞌang Diyus. Pagꞌubsan mi nay mga babay nga balu it kaꞌgenan nira kat mga ipagpabgay mi. Baw paribasay kutagnepan i mga adat mi nga maraꞌe-raꞌet, pagkaꞌlayen mi na nga panalangin. Aypaꞌ ka subraꞌ pang dakulaꞌ i panriga nga malabayan mi.

Lucas 12:41

Miningkut si Pedro, maat ya, “Ampuꞌan, alimbawa mu ngayan sabap it mga uripen nga pirming alistu, unu, kami lamang i pagꞌaaten mu u kat muꞌsa na?”

Lucas 12:49

“Inasitu ku,” maat siꞌ ni Jesus, “isaꞌun subuk tumaban it apuy situt banwa. Sana napasgu naytu!

Lucas 16:2

Aypaꞌ ka ipiyatawag it manggaden ngayti ka piyaruri ya. ‘Unuytu,’ maat ya, ‘i magkaringid-ringid ku ngaytu sabap it imu? Kayti, ipalteg mut aken it egay kurang i pamaalaꞌ mut muꞌsang kusas ku, ka garing kayti ega na ikaw i manigpamaalaꞌ ku.’

Juan 15:22

In daꞌga naꞌasitu aku baw nangadal it kanira, egay turubagen nira sabap it pandaꞌga nirat aken. Temed kayti, ega nay makadaꞌawa nira sabap it kasalaꞌan nira ngaytu.

Mga Binwat 17:30

Iyan tagnaꞌ paꞌ, subuk piyabaya-bayaꞌan it Ampuꞌang Diyus i mga kamaliꞌ it mga taw nga daꞌgay uru-urut pasar it kanya. Temed kayti, ipagsasar yat muꞌsang katataawan, kat paꞌari-aring rugar, nga magsinguliꞌ na sira baw indiꞌan nay muꞌsang kasalaꞌan nira.

1 Timoteo 1:11

Pangadal ngaytu nga paꞌaaten, kumpur uyun kat mabantug nga Magayeng Baritaꞌ nga ipagpangadal ku, nga ipiyakarguꞌ it aken it Ampuꞌang Diyus, kanya nga kaꞌustuꞌan nga banar i kasagyaan ya.

1 Timoteo 1:13

Iyan tagnaꞌ, talagang ega basta-bastay panibabaꞌ kut kanya, pagregda-regdaen ku i mga magpamayaꞌ it kanya, baw pagpakuriꞌan ku sira it egay sanguꞌ. Temed lamang atkayti na i binwat ku, inildawan aku ga lamang it Ampuꞌan, ka itiꞌen ngayting mga binwat ku, nabwat ku sabap it egay pamayaꞌ kut kanya. Ega natantuwan ku nga palan kuntraꞌ it kaꞌirgan it Ampuꞌang Diyus.

1 Timoteo 6:20

Kayti, ipagbenge-bengel kut imu, Timoteo, nga iyan kamatuudan nga garing duꞌun it Ampuꞌang Diyus, nga ipiyakarguꞌ yat imu nga ipangadal mu, panindegan mut magayen isaꞌun ega magantiyan it maski siyu it belag nga pangadal. Paꞌalaidan mu i mga egay kakapulusan nga pagrundingen baw pagdaꞌe-daꞌegan nga taw lamang i garing, nga ipagpabetang nira nga mga sugi-sugid nat makakaꞌrut arit egay kamatuudan.

Tito 1:3

Yay matuud, iyan naꞌbut nay ipiyabetang-betang ya nga timpu, ipiyalbaw ya nay ampang ya. Ka Ampuꞌang Diyus ngaytu nga pagpanggaringan it karibriyan tami, ipiyagꞌurdin ya nga mangadal akut ampang ya ngaytu nga ipiyakarguꞌ yat aken.

Santiago 3:1

Mga sulsug ku kat pamayaꞌ, magayen in ega basta-basta magꞌireg i kadakel mi it katengdanan nga manigpangadal it ampang it Ampuꞌang Diyus. Sabap magkaꞌrutan mi na nga kami nga manigpangadal, subraꞌ kami nga ukumanan in ega pagsunudun namen i ipagpangadal namen ngaytu.