Lucas 12:47 - Tagbanwa

⁴⁷ Dedemdemen mi tu, nga iyan uripen nga magkaꞌrutan ya nay kaꞌirgan it agalen ya temed ega biyanu-banu ya, siguradu nga panrigang mabeꞌgat i tanggapen ya.

Lucas 12:47 Iomraidhean Croise

Lucas 12:41

Miningkut si Pedro, maat ya, “Ampuꞌan, alimbawa mu ngayan sabap it mga uripen nga pirming alistu, unu, kami lamang i pagꞌaaten mu u kat muꞌsa na?”

Lucas 12:46

Mabut i agalen ya kat aldaw nga ega pagsisiguruun ya baw kat uras nga ega magkaꞌrutan ya. Baraꞌan ya, rigaen kanya it ega pateng it agalen ya ngayti. Ipaꞌiba na kanya it mga taw nga ega magpamayaꞌ it Ampuꞌang Diyus, duꞌun it kakuriꞌan nga egay kaskedan.

Juan 12:48

May mukuman yan it kumpur magpandaꞌga it aken baw ega magpamayaꞌ it mga inampang ku. Iyan mga ampang ngaytu nga nakasugid ku na, iyan i mukuman it kanya asan it umur it banwa.

Juan 19:11

Katubag si Jesus, maat ya, “Mabwat mu lamang bayan i atkayan sabap ibinggay it Ampuꞌang Diyus it imu i iyan nga pudir. Aypaꞌ subrang mabeꞌgat it kasalaꞌan mu i kasalaꞌan it iyan nagpaꞌalima ngaytut aken situt imu.”

Juan 9:41

Tiyubag sira ni Jesus, nga magꞌaat, “In beteꞌ uyut kamu nagat mga beleg ngayan, maꞌawaꞌ i kasalaꞌan mi nga ipagkaꞌukuman it imyu. Temed it paꞌaaten mi nga magkalteg kamut magayen, aypaꞌ ka asan pat imyu i kasalaꞌan mi.”

Mga Binwat 17:30

Iyan tagnaꞌ paꞌ, subuk piyabaya-bayaꞌan it Ampuꞌang Diyus i mga kamaliꞌ it mga taw nga daꞌgay uru-urut pasar it kanya. Temed kayti, ipagsasar yat muꞌsang katataawan, kat paꞌari-aring rugar, nga magsinguliꞌ na sira baw indiꞌan nay muꞌsang kasalaꞌan nira.

Santiago 4:17

Aypaꞌ dedemdemen mi tu. Iyan taw nga magkaꞌrutan ya nay in unuy magayen, nga dapat ya nga pagbuwaten, temed ega yay pagbuwaten ya, kasalaꞌan ya naga yan.