Lucas 12:44 - Tagbanwa

⁴⁴ Matuud tuy iꞌaat ku ngaytut imyu. Kanya siꞌ i begayan it agalen ya nga mamaalaꞌ it muꞌsang kusas it agalen ya ngayti.

Lucas 12:44 Iomraidhean Croise

Mateo 24:47

Matuud tuy iꞌaat ku ngaytut imyu. Kanya siꞌ i begayan it agalen ya nga mamaalaꞌ it muꞌsang kusas it agalen ya ngayti.

Mateo 25:21

‘Magayen! Talagang magkasarigan ka nga uripen. Ta, it magkasarigan ka kat dekeyeꞌ nga kantidad, kayti papamaalaꞌen ku ikaw it dakulaꞌ nga kantidad. Mabagiꞌan ka it kasagyaan ku.’

Lucas 12:43

Makasagya talaga i iyan nga uripen in abutan it agalen ya, atkayan nga matuud i buwat ya.

Lucas 12:45

Temed in beteꞌ maraꞌe-raꞌet i adat it uripen ngayti, yay kat nakem ya, ‘Siguru maꞌlay baytuy iꞌuliꞌ it agalen ku ngaytu.’ Ta, buwaten ya, sariyan ya nat pasakit i mga ipiyagkaꞌuripen ya, babay, lalaki. Baw ega nay beken nga buwat ya, magkaꞌen na lamang baw magpalangu.

Mga Ipiyalteg 3:18

Aypaꞌ kayti ituy ipagsasar kut imyu. Kaꞌilangan nga malang kamu sinit aken it bulawan nga pirmira ka tiyunaw duꞌut apuy, isaꞌun magmanggaden kamu nga matuud. Malang kamu gasiꞌ sinit aken it maputiꞌ nga pakayan, isaꞌun daꞌkamu na maglelbas, ega na kaꞌeyaꞌ-eyaꞌ. Baw malang kamu gasiꞌ it ubaꞌubat it mata isaꞌun makalteg kamu.