Lucas 12:42 - Tagbanwa

⁴² Tumubag i Ampuꞌan ngayting si Jesus, maat ya, “Iyan magkasarigan baw nakman nga uripen, kanya i begayan it agalen ya it pamaalaꞌ kat beken nga mga uripen kat pamalay-balay ya. Kanya i manigpamgay it pangaꞌen nga makasuwituꞌ.

Lucas 12:42 Iomraidhean Croise

Mateo 13:52

“Ta,” maat siꞌ ni Jesus it kanira, “iyan manigpaꞌyag it ampang it Ampuꞌang Diyus nga nakapagꞌadal nat mga kamatuudan ngaytu sabap it kaꞌadiꞌan it Ampuꞌang Diyus, subung kanya it tagpuꞌun it pamalay-balay nga magpangrut-magpangrut it mga kusas ya nga baꞌgu baw lagi-lagi duꞌun it pagdawaꞌan ya. Sabap magkaꞌrut kanya mangadal it ega lamang tagnaꞌ ngayting panulduꞌ in daꞌga pati baꞌgu ngaytu.”

Mateo 20:8

Iyan magsedep nay aldaw, singkat nat tagpuꞌun ngayti i manigpamaalaꞌ ya. Maat ya, ‘Taꞌwagan mu nay mga urnal ngayti ka tangdanan mu na sirang muꞌsa. Uꞌnaen muy kiyaꞌpusang mga piyabwat ku. Iyan piyabwat ku ngayat uꞌna, ipakiyaꞌpusan mu mana sirat tumangdan.’

Lucas 12:43

Makasagya talaga i iyan nga uripen in abutan it agalen ya, atkayan nga matuud i buwat ya.

Lucas 7:13

Siyanguꞌan nga banar it Ampuꞌan nga si Jesus, pagkalteg yat inaꞌ it miyatay ngayti. Inaat ya, “Ayaw ka nat sugaw.”

Lucas 7:19

Pagkabaritaꞌ ni Juan kayti, tiyaꞌeg yay duwa nga alagad ya nga paꞌaduꞌun it Ampuꞌan ngayti nga si Jesus ka ingkutun, nga magꞌaat, “Unu baꞌ, ikaw na i isiyanggup ngayan nga papaꞌasituun u melat kami paꞌ it beken?”

Mga Binwat 20:28

Aypaꞌ kayti, yan pagꞌiꞌinturun mi nga pirmi i sadili mi nga pamayaꞌ, baw pagꞌiꞌipaten mi gasiꞌ i pamayaꞌ it kadakel it mga magpamayaꞌ asan it Efeso nga ipiyasakep it Espiritu Santo it imyu nga mga magpamaalaꞌ. Arigraan mit magayen i mga subuk inalang ngaytit Ampuꞌang Diyus isaꞌun kanya nang taawan, nga egay beken nga ipiyagꞌalang ya, in daꞌga duguꞌ it sadili yang Anak nga si Jesus.

1 Timoteo 5:17

Iyan mga magpamaalaꞌ it mga magpamayaꞌ nga magayen i pamaalaꞌ nira ngaytu, talagang bagay it kanira, galangen it may dakulaꞌ paꞌ nga tangdan, subraꞌ nay mga manigpangadal it ampang it Ampuꞌang Diyus.

2 Timoteo 4:2

Ipagsekat ku nga, maski unu nga timpu, ipangadal mu nga pirmi i ampang ngaytu nga kamatuudan. Ipalbaw mut mga pagpangadalan mu i mga kamaliꞌ nira, sardawun mu baw paksegen muy nakem nira nga muwat sirat mataldeng. Buwaten muy muꞌsa ngaytu it may dakulang kapalulusan baw luway-luway nga tulduꞌ.

Tito 1:7

Magpamaalaꞌ ngaytu, mataꞌas i katengdanan ya, ka yay pagsarungaen, buwaten it Ampuꞌang Diyus. Aypaꞌ ka dapat egay magkaꞌiway asat kanya, ega mapiyasubraꞌ, ega makuꞌiseg, ega makuꞌinum it kalalangu, ega mapiyamasakit, baw ega taw nga magbuwat it maski ega magayen isaꞌun lamang kapirak.

Hebreo 13:17

Baw gasiꞌ iyan i magayen, pasakep kamu it mga magpamaalaꞌ it imyu baw sunudun mi i mga munaꞌaw nirat imyu. Ka sira, iyan i katengdanan nira, magtatarima nga pirmi it pamayaꞌ mi isaꞌun ega maꞌilang i kiyarurwa mi. Tubagan nira duꞌut Ampuꞌang Diyus in pabaya-bayaꞌan nira i katengdanan nira ngaytu. Ta, simpri in pagsunudun mi sira it magayen nga pagsunud, masasagya yan sira nga magpangatengdanan. Temed in pagpataꞌbangen mi i nakem nira ka ega pagꞌintindiyen mi sira, ega naga kat ikagayen mi yan.

Hebreo 13:7

Magayen gasiꞌ, dedemdemen mi i uꞌnang mga magpamaalaꞌ it imyu, nga mga tagnang manigpanuturan asat imyu it ampang it Ampuꞌang Diyus. Panawun it pikir mi i magayen nga liyapusan it pangaꞌgenan nira baw sana guruun mi i kagayen it kanirang pamayaꞌ.

Hebreo 3:5

Talagang, si Moises, magayen i pagsirbi ya kat pamalay-balay it Ampuꞌang Diyus. Temed, kabilangan ya, manigsirbi lamang kat pamalay-balay ngayti. Ta, yan buwat ya, desa lamang nga ladawan it mga bagay nga ipaꞌrut it Ampuꞌang Diyus kat pagdadarapaꞌen.

1 Pedro 4:10

Dedemdemen mi nga kada esat imyu, binggayan it Ampuꞌang Diyus it kakayaan. Aypaꞌ gayen-gayenen mi i panggamit mi it in unu-unu nga kalasit kakayaan nga ipiyagꞌildaw yat imyu. Kaꞌilangan gamiten mi tu nga ipagtabang it mga sulsug mi kat pamayaꞌ.