Lucas 12:41 - Tagbanwa

⁴¹ Miningkut si Pedro, maat ya, “Ampuꞌan, alimbawa mu ngayan sabap it mga uripen nga pirming alistu, unu, kami lamang i pagꞌaaten mu u kat muꞌsa na?”

Lucas 12:41 Iomraidhean Croise

Marcos 13:37

Itu, ipagꞌaat ku ngaytut imyu, ipagꞌaat ku gasiꞌ tu it kadakel, nga kaꞌilangan talaga alistu kamu nga muꞌsa.”

Marcos 14:37

Pagkapanalangin ya, nagpaꞌuliꞌ duꞌun it tulu ngayti. Abutan ya, mamagꞌigaꞌ na. Siyulag ya sira bawnga maat yat ki Pedro, “Simon, unuka magꞌigaꞌ ka na? Unu, talaga nga ega makapaꞌlek ka it maski sang uras na lamang?

Lucas 12:47

Dedemdemen mi tu, nga iyan uripen nga magkaꞌrutan ya nay kaꞌirgan it agalen ya temed ega biyanu-banu ya, siguradu nga panrigang mabeꞌgat i tanggapen ya.

Lucas 12:48

Temed iyan uripen nga ega magkaꞌrutan yay kaꞌirgan it agalen ya, nga nakabwat mana it kasalaꞌan, rigaen naga yan kanya temed egaytu mabeꞌgat. Yay matuud, iyan inildawan it dakulaꞌ it Ampuꞌang Diyus, dakulaꞌ naga i abigwaren duꞌut kanya. Basta mataꞌas nga katengdanan i ipiyakarguꞌ it esang taw, dakulaꞌ talagang panubagan ya kat pagsarunga ya kaytu.”

1 Pedro 4:7

Magꞌadeꞌdeng nay umur it banwa. Aypaꞌ kaꞌilangan, magpakanakem kamu baw pagsupilen mi i sadili mi, isaꞌun kapaꞌres kamu kat panalangin mi.

1 Pedro 5:8

Kaꞌilangan nga pagsupilen mi i sadili mi baw magtitiyakap kamu nga pirmi. Sabap kalaban mi nga si Satanas, kaꞌalimbawaan ya subuk leon nga magngarawngaw, nga magsuliꞌ-suliꞌ ka magtulus it agden ya.