Lucas 12:32 - Tagbanwa

³² “Ayaw kamut iꞌlam, kamu nga pagtatarimaen ku nga bilang dekeyeng paenan it tupa ku. Sabap kasasagyaan talaga it Amaꞌ mi i pabetang-betang ya nga sakpen ya kamu kat kaꞌadiꞌan ya.

Lucas 12:32 Iomraidhean Croise

Hebreo 12:28

Ta, kaꞌadiꞌan ya ngaytu, iyan i egay kaꞌawaꞌan. Aypaꞌ, paribasay may kaꞌuyutan tay aten it kaꞌadiꞌan ngaytu, kaꞌilangan seklen tat maꞌingget i ildaw ngaytut Ampuꞌang Diyus it aten, isaꞌun kasirbi tat kanya it pagsirbi nga magkasagyaan ya, pagsirbi nga may iꞌlam nga paggalang it kanya.

Mga Ipiyalteg 1:6

Binwat ya paꞌ kita nga bilang sasirduti, ka sirbiyan tami nay Ampuꞌang Diyus nga Amaꞌ ya. Baw mabut talaga nga magꞌadiꞌ tami nga bilang mga kaꞌibaan ya duꞌun it kaꞌadiꞌan ya. Eeꞌ baꞌ, bantugun kanya nga pirmi, baw magmatanyag talagay keseg it guna ya seked it kaꞌnu-kaꞌnu. Kamatuudan tu!

Filipos 2:13

Sabap Ampuꞌang Diyus ngaytu i magpanakem it imyu it makusunud baw magbegay it imyu it kakayaan nga mabwat mi i kaꞌirgan ya.

Lucas 10:21

Kat iting uras, piyasagya nga banar it Espiritu Santo si Jesus. Egay beken, nanalangin kanya nga magꞌaat, “Amaꞌ, pagbantugun ku ikaw nga Ampuꞌan it langit baw banwa, sabap ipiyagtaguꞌ muy kamatuudan ngaytu isaꞌun ega matantuwan it makakaꞌrut baw mapipikir kat sadiling pasepsep lamang. Iyan i piyaꞌyagan mu, mga taw nga mapiyababaꞌ nga magpasbung it dekeyeꞌ nga waꞌwaꞌ. Talagang matuud tu, Amaꞌ, ka iyan i ipiyabetang-betang mu nga magkasagyaan mu.”

Mateo 25:34

Bawnga aku nga Adiꞌ nira, aaten ku yan i kat iwanan ku nga ayun, maat ku yan, ‘Daliꞌ kamu na, mga inildawan it Amaꞌ ku. Semled kamu na ka duꞌun nay taꞌidan mi it kaꞌadiꞌan ku nga ipiyagꞌareg it imyu garing it pagguna it banwa.

2 Tesalonica 1:11

Aypaꞌ ka pirmi namen kamu nga ipagpanalangin duꞌun it Ampuꞌang Diyus. Pagꞌangutun namen nga sana tabangen ya kamu it mangaꞌgenan uyun kat pangaꞌgenan nga pagsagyaan ya, nga bagay it mga taw nga piyanakman ya nga pasakep it kanya. Baw sana, kat guna ya, tabangen ya kamu isaꞌun matuman i kada pagpikiren mi nga magayen, nga mga kuꞌadaten u kubwaten mi sabap it pamayaꞌ mit kanya.

2 Pedro 1:11

In daꞌga, talagang tanggapen kamut masagya it Ampuꞌan tami nga Manriribri nga si Jesu-Cristo, ka paꞌistaren ya na kamu duꞌun it egay kaskedan nga kaꞌadiꞌan ya.

Mateo 14:27

Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Mga Ipiyalteg 22:5

Talagang ega nay delem duꞌun, aypaꞌ ega na kaꞌilangan nira pay mga titidawan. Ega na gasiꞌ kaꞌilangan niray eyag it aldaw ka Ampuꞌang Diyus nay meyag it kanira. Baw magꞌadiꞌ na sira it egay kaskedang pagꞌadiꞌ.

2 Tesalonica 1:5

Talagang muꞌsa ngaytu, magpamatuud nga mataldeng mukuman i Ampuꞌang Diyus, nga ipabetang ya kamu nga mapakay mistar duꞌun it kaꞌadiꞌan ya, yanagang kaꞌadiꞌan nga pagpanindegan mi nga iyan i ipagkapakuriꞌ ngaytut imyu.

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?

Juan 18:36

Tumubag si Jesus, maat ya, “Iyan pagkaꞌadiꞌ ku, ega subuk mga pagkaꞌadiꞌ nga situt sinirungat langit. In beteꞌ atkayay pagkaꞌadiꞌ ku, simpri panindegan akut mga taawan ku. Simpri ega basta-basta maꞌalima akut mga Judio ngaytu. Temed ta it belag talagay garing it aken nga pagkaꞌadiꞌ.”

Mateo 20:16

Maat pay paꞌugdun ni Jesus, “Subung tu it pagꞌaaten ku ngayan nga maat ku, may mataꞌas kayti kat pabetang it taw, nga baraꞌan nira raꞌyat. Baw may raꞌyat lamang kayti nga baraꞌan nira mataꞌas duꞌun it kaꞌadiꞌan it Ampuꞌang Diyus.”

Mateo 7:15

“Magꞌintur kamu kat mga magpapru-prupitaꞌ, nga ega naga pagpanakman it Ampuꞌang Diyus. Magꞌinu-inu sirat imyu nga maat, nakman sira nga subuk tupa. Arit yay kamatuudan, kaꞌiꞌilang sira nga subung it mga bunglun duꞌut talun.

Isaias 53:6

Kitang muꞌsa, subuk mga tupa nga namagkateꞌag-teꞌag na nga nanganya-kanya nat piyanawan. Temed, iyan ukuman nga panriga nga pagꞌangutun it kasalaꞌan tami nga muꞌsa, ipiyalabay na it AMPUꞌANG DIYUS it kanya.

Mga Binwat 20:28

Aypaꞌ kayti, yan pagꞌiꞌinturun mi nga pirmi i sadili mi nga pamayaꞌ, baw pagꞌiꞌipaten mi gasiꞌ i pamayaꞌ it kadakel it mga magpamayaꞌ asan it Efeso nga ipiyasakep it Espiritu Santo it imyu nga mga magpamaalaꞌ. Arigraan mit magayen i mga subuk inalang ngaytit Ampuꞌang Diyus isaꞌun kanya nang taawan, nga egay beken nga ipiyagꞌalang ya, in daꞌga duguꞌ it sadili yang Anak nga si Jesus.

Mga Binwat 20:29

Ka magkaꞌrutan ku nga pagkagaring ku, may mabut asan it Efeso nga mga taw nga manulduꞌ it talagang kamaliꞌ. Kaꞌalimbawaan nira, subuk maiꞌiseg nga bunglun nga magꞌaged it mga tupa, ka kuranggaꞌen nira i pamayaꞌ it mga magpamayaꞌ duꞌun it imyu.

1 Corinto 1:21

Sabap uyun kat ega basta-bastang kasepsep ya, ipiyabetang-betang it Ampuꞌang Diyus nga ega makilala kanya it taw in sabap lamang it sadili nira nga pasepsep. Aypaꞌ ipiyabetang-betang ya nga lagi baw ituy kaꞌirgan ya nga sabap lamang it pamayaꞌ it taw it ipagpangadal pasar it ki Cristo, iribri ya sira. Ituꞌun ngaytu, egay kakapulusan kat pasepsep it banwa.