Lucas 12:30 - Tagbanwa

³⁰ Talagang matuud nga magkasasawan tu it mga taw nga ega pay pamayaꞌ baw pagsarig nira it Ampuꞌang Diyus. Temed kamu, ega na beteꞌ pasbung it kanira, sabap magkaꞌrutan na nga lagi it Amaꞌ mi nga duꞌut langit nga talagang pagkaꞌilanganen mi i muꞌsa ngaytu.

Lucas 12:30 Iomraidhean Croise

Mateo 10:20

Sabap ega yan kamu i mampang kat sadili mi, in daꞌga Espiritu Santo nga taꞌgen it Amaꞌ mi nga duꞌut langit, kanya yan i panakem it imyu it in unuy ampangen mi.

Mateo 18:14

Atkayan naga yan, talagang ega ireg it Amaꞌ mi nga duꞌun it langit nga mateꞌag-teꞌag i maski esa kat mga magpasbung ngaytut dekeyeng waꞌwaꞌ nga magpamayaꞌ nat aken.”

Mateo 5:47

Baw in iyan lamang i pagpakiꞌiba-ibaan mi, mga magpakigayen-gayen it imyu, ta unuy nabwat mi nga subraꞌ paꞌ it beken? Ka pagbuwaten gasiꞌ tu it pati sira nga ega taawan it Ampuꞌang Diyus.

Mateo 6:1

Ipiyasigi ni Jesus i panulduꞌ ya ngayti, nga maat ya, “Kaꞌilangan inturun mi nga ega lamang desang paleteg-leteg in magbuwat kamu it magayen. Ka basta atkayan i pagbuwaten mi, siguradung egay tumbas nga matanggap mi nga gumaring duꞌut Amaꞌ mi nga duꞌut langit.

Mateo 6:32

Talagang matuud nga magkasasawan tu it mga taw nga ega pay pamayaꞌ baw pagsarig it Ampuꞌang Diyus. Temed kamu, ega na beteꞌ pasbung it kanira, sabap magkaꞌrutan na nga lagi it Amaꞌ mi nga duꞌut langit nga talagang pagkaꞌilanganen mi i muꞌsa ngaytu.

Mateo 6:8

Talagang ega guruun mi i kanira ngaytu nga mga pagbuwaten, sabap magkaꞌrutan na nga lagi it Amaꞌ mi nga duꞌut langit i kaꞌilangan mi, maski ega paꞌ naꞌangut mi duꞌut kanya.

Lucas 12:29

Aypaꞌ kamu, ayaw kamut palibeg it pikiran mi it pangaꞌen u pagꞌimnun, baw ipaꞌalaid mi i adat nga pirming magregen.

Lucas 12:31

Aypaꞌ siguruun mi nga magpasakep kamu na it Ampuꞌang Diyus, nga kanya nang kaꞌirgan i pagpaꞌresan mi. Bawnga iꞌildaw yat imyu i mga pagkaꞌilanganen mi ngaytu.”

Lucas 12:32

“Ayaw kamut iꞌlam, kamu nga pagtatarimaen ku nga bilang dekeyeng paenan it tupa ku. Sabap kasasagyaan talaga it Amaꞌ mi i pabetang-betang ya nga sakpen ya kamu kat kaꞌadiꞌan ya.

Juan 20:17

“Ega na daꞌan sumari kat sekel it aken, ka daꞌku paꞌ nakaꞌuliꞌ duꞌun it Amaꞌ. Iyan i buwaten mu kayti, paꞌaduꞌun kat mga alagad ku nga ipagpabetang ku na nga mga sulsug ku baw isugid mut kanira nga muliꞌ aku na duꞌun it Amaꞌ ku, nga Amaꞌ mi gasiꞌ, duꞌun it Ampuꞌang Diyus ku nga Ampuꞌang Diyus mi gasiꞌ.”

Efeso 4:17

Ta kayti, it Ampuꞌan i nagpakarguꞌ it aken it katengdanan ku, aypaꞌ ituy ipagꞌaat kut imyu nga ipagbenge-bengel ku na nga kuydaw kamu na mangaꞌgenan nga subung paꞌ it mga taw nga egay kila-kilala nirat Ampuꞌang Diyus, nga egay kapulusan it pamagpikiren nira.

1 Tesalonica 4:5

Ega maat mangasawa kamu nga iyan talagay magdadaꞌeg kat nakem mi, sumbayaꞌen lamang i kaꞌirgan it bilug, nga atkaytu pay adat it mga taw nga egay pagkilala nira it Ampuꞌang Diyus.