Lucas 12:21 - Tagbanwa

²¹ Atkayan naga i mabetangan it mga taw nga yay paglabiyen nga pagrinutun, kamanggadan situt banwa, temed talagang miskin sira kat panleteg it Ampuꞌang Diyus.”

Lucas 12:21 Iomraidhean Croise

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 16:11

Ta kayti, in daꞌkamu magkasarigan kat panggamit mit pirak baw kusas mi situt sinirungat langit ngaytu, magꞌuꞌunu yan masarigan kamu it kamanggadan duꞌun it langit?

Lucas 6:24

Temed makuriꞌ talagay magꞌaꞌareg it imyu nga mga manggaden kayti, nga kanget talaga it nakem mi i manggad mi ngaytu, sabap natanggap mi na i imyu nga kagayenan. Ega nay inawaren mi nga beken.

Roma 2:5

Yay matuud, sabap it kadsen it ulu mi baw, iyan daꞌkamu na ngayan magsinguliꞌ, pagpabeꞌgaten mi na talagay panriga nga ibetangan it imyu in asan nat aldaw nga ipatantu nat Ampuꞌang Diyus i iseg ya baw ukumanan yat ega basta-bastang kataldengan i kasalaꞌan it taw.

2 Corinto 6:10

Talagang kasesmekan na nga buwat, takaꞌ daꞌga magꞌuꞌunay i kasagyaan namen? Subuk makuriꞌ kami na nga makuriꞌ temed dakel i magkapamanggad namen it kamanggadan nga egay kaꞌawaꞌan. Situt banwa egay sadili nameng kusas takaꞌ ipiyasiguru nat amen i muꞌsang kagayenan nga duꞌut langit.

1 Timoteo 6:9

Ka iyan mga taw nga, iyan i dakulaꞌ kat nakem nira, kupagmanggad, simpri makapakursud kat kasalaꞌan baw masigapul it karaꞌe-raꞌetan. Dumakel nay mga ireg nirang sumbayaꞌen nga ipagkagated baw egay kapulusan, nga yanay tumaban it kanira duꞌun it dakulaꞌ ngayting kakuriꞌan nga egay kaskedang panriga.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?

Mga Ipiyalteg 2:9

Talagang magkaltegan kuy mga paglabayen mi ka pagpakuriꞌan kamu. Urut ku nagay kakuriꞌ mi. Temed yay matuud, pasar it kamanggadan nga garing it aken, manggaden kamu talaga. Baw magkaltegan ku gasiꞌ i mga taw nga magbete-beteꞌ nga mga taawan ku sira, temed panibabaꞌ ga lamang tut aken. Ka yay matuud, sang siraan yan nga magsirbi it ki Satanas.