Lucas 12:19 - Tagbanwa

¹⁹ Bawnga mapakiꞌking aku na, ka maat ku yan, daꞌku nayan kurangen it muꞌsa it maski pira-pirang taꞌun. Magbangu-bangun aku, kumaꞌen, minum baw magkasagyaan.’

Lucas 12:19 Iomraidhean Croise

Lucas 12:18

Siguru yay magayen, panranggaꞌen kuy mga lagkaw ku ngaytu, ka subraꞌ pang dadakulaꞌ sikaytu i ipatindeg ku, ka isaꞌun ega magkurang i pagbetangan kut piyatbasan ku baw kusas ku.

Lucas 16:19

Ipiyaꞌuyut gasiꞌ ni Jesus kat panulduꞌ ya i alimbawa ya ngaytung atkaytu. Maat ya, “May esang manggaden nga purus pirmirang abel i pakayan ya, baw ta, paribasay manggaden, talagang aldaw-aldaw pagustuꞌ nga banar it magagayeng pangaꞌen.

Lucas 21:34

Beteꞌ magꞌintur kamu nga ega yay subrang pagragaen mi, pagkasagyaan baw pagmaꞌinimnun. Baw inturun mi nga ega yanay magdadaꞌeg kat nakem mi nga yay pagpipikiren mi nga pirmi, mga bagay kat kayti nga kaꞌgenan. Ka basta atkayan, siguradu talaga nga matarantaꞌ kamu pagꞌabut ku, ka daꞌkamu alistu.

1 Corinto 15:32

Ka in subung aku lamang it katataawan nga ega pagpamayaꞌnen nira nga egnen sira it paꞌuliꞌ kat pagdadarapaꞌen, ta unuy mapulus ku it pakilaban ku it mga magpakidaꞌeg it pangadal ku sinit Efeso, mga taw nga atnat kumakaꞌen nga ramu-ramu kat paglaban nira? Daꞌga in matuud nga ega naga egnen it paꞌuliꞌ i mga miyatay, sunudun tami na lamang i sambatan ngayan nga magꞌaat, “Paꞌayaw-ayaw tami it kaꞌen baw inum, tutal dedelem matay tami naga lamang.”

Filipos 3:19

Temed nakasiguru nayan nga kamataynen nga egay kaskedang panriga i abutun nira. Itung mga taw, sadili nira nga bilug i piyakadiyus nira, ka pirmi nira nga pagsumbayaꞌen i maraꞌe-raꞌet nga kaꞌirgan it bilug nira. Ipagpatuꞌgud nira paꞌ i mga dapat sana nga eyaꞌan nira, baw ta, yanayan yay paglabiyen nira, mga bagay nga situt banwa.

1 Timoteo 5:6

Temed iyan balu nga alaid na duꞌut Ampuꞌang Diyus i pangaꞌgenan ya ka sadili nang kaꞌirgan i pagsumbayaꞌen ya nga pirmi, kabilangan ya subuk patay maski egen pay bilug, ka egay kanyang uyu-uyut it kaꞌgenan nga egay kaskedan.

1 Timoteo 6:17

Iyan mga magpamayaꞌ nga manggaden, aaten mu nga daꞌsira pataꞌas-taꞌas. Ayaw sirat sarig it kamanggadan ngayan ka ega yan magpaneꞌteꞌ. Iyan talagay magayen nga sarigan nira, Ampuꞌang Diyus nga ipagbastanti yat mildaw i muꞌsang mga bagay nga pagkaꞌilanganen ta, isaꞌun makasagya tami.

2 Timoteo 3:4

Mapiyangilang nayan sira it masigkataw nira, ega talaga magkasabatan, mapiyasubraꞌ-subraꞌ na. Baw ta yanayan, maꞌireg sirang banar it kasasagyaan it bilug, ega na maat Ampuꞌang Diyus i pagkayliyan nira.

Santiago 5:5

Talagang nagpasamunsayaꞌ kamu na nga banar baw nagpaꞌayaw-ayaw na situt banwa. Temed yay kamatuudan, nagpasbung kamu nat ramu-ramu nga piyatabaꞌan nga egay uru-urut ya nga pagꞌargan it kanya, karniꞌen.

1 Pedro 4:3

Seked na! Talagang ega na mapakay nga ipasigi mi paꞌ i karaꞌe-raꞌetan nga pagsariyen mit buwat it tagnaꞌ ngayti nga ega pay pagkilala mi it Ampuꞌang Diyus. Ka atkaytuy mga adat mi it tagnaꞌ ngayti, pagsumbayaꞌ it kaꞌiꞌirgan nga mararaꞌway it egay maski unu nga pagsupil it sadili, adat nga rambang mata, palangu, mga pagkasagyaan nga pagpanggaringan it ereꞌeret nga palangu, baw maraꞌway nga pagbuwaten nga ipagdengan it pagsamba mi it mga pagbete-beteꞌen nga diyus.

Mga Ipiyalteg 18:7

Ka in magꞌuꞌunu nagpaꞌayaw-ayaw kanyat pagkasagyaan baw pagmataꞌas, atkayan nagay kadakulaꞌ it malabayan ya nga pakuriꞌ baw kasmek. Sabap kat nake-nakem ya, ‘Talagang magꞌaꞌdung aku naytu kat pagkaꞌadiꞌ. Egaytu balu aku. Seked it kaꞌnu-kaꞌnu, alaid talagat aken i masmekan.’