Lucas 12:17 - Tagbanwa

¹⁷ May esang taꞌun nga simnubraꞌ kat karebtangan i piyatbasan ya. ‘Aaꞌ,’ maat ya, ‘unu pay mabtangan ku kaytu?

Lucas 12:17 Iomraidhean Croise

Isaias 58:7

Iyan mga paggetmanan, pakaꞌnen mi. Iyan mga egay pagtataꞌidan, pataꞌiden mi asat balay mi. Iyan mga taw nga lebas na, papakayan mi. Ega daꞌgaen mi i mga kabilug mi nga magpadangep asat imyu.

Mateo 16:7

Pagkagneg it mga alagad, kimidem-kideman sira nga magꞌaat, “Inaat ya bayan i atkayan ka ega ngaytuy balun tami nga tinapay.”

Mateo 5:42

Talagang iyan i magayen, begayan mu i magꞌangut asat imu, baw ega daꞌgaen mu i magpanlebas gasiꞌ asan it imu.

Lucas 10:25

Bawnga timnindeg i esang manigpaꞌyag it urdin ka mingkut it sukda-sukdan yat ki Jesus. “Manigtulduꞌ,” maat ya, “unuy magayen nga buwaten ku isaꞌun maꞌaken i kaꞌgenan nga egay kaskedan?”

Lucas 11:41

Aypaꞌ imbis nga adat nga malupig, mamgay kamut masagyay nakem it ildaw mi duꞌun it mga makukuriꞌ. Ta, magbaraꞌ nayan nga subuk limpiyuꞌ kamu na nga matuud.

Lucas 12:16

Paꞌugdun ni Jesus, esang alimbawa nga magꞌaat, “Magayen i lugtaꞌ it esang manggaden. Aypaꞌ ka pirmi nga dakulaꞌ i magkapatbasan ya.

Lucas 12:18

Siguru yay magayen, panranggaꞌen kuy mga lagkaw ku ngaytu, ka subraꞌ pang dadakulaꞌ sikaytu i ipatindeg ku, ka isaꞌun ega magkurang i pagbetangan kut piyatbasan ku baw kusas ku.

Lucas 12:22

Bawnga inaat ni Jesus i mga alagad ya, nga maat ya, “Aypaꞌ ipagꞌaat kut imyu nga ayaw kamut palibeg it pikiran mi it in ari mapisiꞌan it muꞌsang kaꞌilangan it bilug mi nga subuk pangaꞌen baw pagpakay.

Lucas 12:29

Aypaꞌ kamu, ayaw kamut palibeg it pikiran mi it pangaꞌen u pagꞌimnun, baw ipaꞌalaid mi i adat nga pirming magregen.

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 16:3

Pagkagneg it manigpamaalaꞌ ngayti, maat i kat nakem ya, ‘Itu palan, awaꞌen aku na nga manigpamaalaꞌ it agalen ku ngaytu. Unu naytuy buwaten ku? Ega kaya ku nga muwat it mabeꞌgat nga subuk magkali. Magꞌeyaꞌ aku gasiꞌ in paꞌildaw-ildaw aku nga pabgay.

Lucas 16:9

Ta kayti, aku nay magꞌaat it imyu nga mga alagad ku. Gayen-gayenen mi i imyu nga panggamit it pirak u maski unu nga kusas mi. Gamiten mi tu kat buwaten it Ampuꞌang Diyus, isaꞌun tanggapen kamut masagya duꞌut langit it mga nakaꞌbut duꞌun sabap it magayen ngaytung panggamit mi it kusas mi.

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Lucas 19:17

‘Magayen!’ maat it agalen ya ngayti. ‘Pagsagyaan kuy binwat mu ngayan. Kayti it namuyaan ku nga magkasarigan ka it maski dekeyeng bagay, papamaalaꞌen ku ikaw it sang puluꞌ nga kalansanganan.’

Lucas 3:11

Pagtubag ni Juan, maat ya, “Ta, mga atkaytu i magayen nga buwaten mi. In beteꞌ nagduwa naga i badyuꞌ mu, kaꞌilangan tunggalan muy iyan talagang ega na. Subung nagay iyan may pangaꞌen, ega riga-rigaen yay iyan ega nay magkasikep.”

Mga Binwat 16:30

Piyabayaꞌ ya na sira duꞌut liꞌwan bawnga miningkut. Maat ya, “Tabing galang it imyu, isugid mi in unuy kaꞌilangan kung buwaten isaꞌun maribri aku.”

Mga Binwat 2:37

Ta, pagkagneg it mga taw it inaat ngayti ni Pedro, dakulang eter-eter it seled nira ka tindek talagay nakem nira. Aypaꞌ iningkut nira si Pedro baw beken ngayting mga apustul. Maat nira, “Ta bilaꞌ, in atkayan, mga sulsug, unu nay buwaten namen?”

Roma 12:13

Adaten mi gasiꞌ i mapiyanabang kamut mga sulsug mi kat pamayaꞌ nga kukurangen, baw masagya mi nga papaꞌabutun asat imyu i in siyuy egay siguradung mapaꞌabutan nga balay.

1 Timoteo 6:17

Iyan mga magpamayaꞌ nga manggaden, aaten mu nga daꞌsira pataꞌas-taꞌas. Ayaw sirat sarig it kamanggadan ngayan ka ega yan magpaneꞌteꞌ. Iyan talagay magayen nga sarigan nira, Ampuꞌang Diyus nga ipagbastanti yat mildaw i muꞌsang mga bagay nga pagkaꞌilanganen ta, isaꞌun makasagya tami.

1 Juan 3:16

Dedemdemen mi tu, nga si Jesu-Cristo, ibinggay yay pati ginawa ya sabap lamang it aten isaꞌun maribri ta. Sikayan magkatantuwan ta nay paꞌaaten nga kamatuudan nga raras. Aypaꞌ kita, kaꞌilangan ta gasing tumabang it mga sulsug ta kat pamayaꞌ, maski maat ikagtas nat ginawa ta.