Lucas 12:16 - Tagbanwa

¹⁶ Paꞌugdun ni Jesus, esang alimbawa nga magꞌaat, “Magayen i lugtaꞌ it esang manggaden. Aypaꞌ ka pirmi nga dakulaꞌ i magkapatbasan ya.

Lucas 12:16 Iomraidhean Croise

Mateo 13:8

Temed iyan nakasaꞌbug duꞌun it magayen nga lugtaꞌ, minwaꞌ it magayen baw mabuburun paꞌ. Sang kuway may tagasang gatus i batꞌunun it legas ya. May tagꞌeꞌenem nga puluꞌ baw tagtutulung puluꞌ.”

Mateo 5:45

Ka basta atkayan i buwat mi, maꞌyag nga kamu, matuud nga mga anak it Amaꞌ mi nga duꞌun it langit. Sabap pagpalbaten yay aldaw isaꞌun eyagan i muꞌsang katataawan, maski mararaꞌe-raꞌet u magagayen i adat. Atnaga pagpaꞌuranen ya kat mga mataldeng baw daꞌga.

Lucas 12:15

Bawnga miyampang si Jesus nga ipiyagneg yat kadakel ngayti, nga magꞌaat, “Iyan magꞌintur kamu! Ipaꞌalaid mi talaga i adat nga maꞌingarum, sabap kusas, maski sang unu nang kadakulaꞌ, ega magkapuꞌgun it ginawat taw.”

Lucas 12:17

May esang taꞌun nga simnubraꞌ kat karebtangan i piyatbasan ya. ‘Aaꞌ,’ maat ya, ‘unu pay mabtangan ku kaytu?

Mga Binwat 14:17

Temed maski atkayan, pirming pagbegayan ya kita it mga imandaꞌan it kanya i matuud nga Ampuꞌang Diyus. Kamatuudan, pirmi nga pagꞌildawan yat ipagkagayen it muꞌsang taw. Daꞌga baꞌ ipagbegay yay uran nga magpakseg it mga luwak ta, isaꞌun magbastanti i pangaꞌen baw isaꞌun magmasagya i nakem ta?”