Lucas 12:15 - Tagbanwa

¹⁵ Bawnga miyampang si Jesus nga ipiyagneg yat kadakel ngayti, nga magꞌaat, “Iyan magꞌintur kamu! Ipaꞌalaid mi talaga i adat nga maꞌingarum, sabap kusas, maski sang unu nang kadakulaꞌ, ega magkapuꞌgun it ginawat taw.”

Lucas 12:15 Iomraidhean Croise

Marcos 7:22

pamakun duꞌun it ega asawa mu, kaꞌingarum baw beken pang karaꞌe-raꞌetan nga subuk pangakal, pagsumbayaꞌ it kaꞌiꞌirgan nga maraꞌway it egay maski unu nga pagsupil it sadili, kaꞌinggit, panibabaꞌ, pataꞌas-taꞌas, baw ega pagpaꞌabwatayen i pikir.

Lucas 12:16

Paꞌugdun ni Jesus, esang alimbawa nga magꞌaat, “Magayen i lugtaꞌ it esang manggaden. Aypaꞌ ka pirmi nga dakulaꞌ i magkapatbasan ya.

Lucas 16:14

Nagnegan tu it mga Pariseo. Egay beken paglibaken na nira si Jesus, ka sira ngayti, maꞌireg nga banar it pagpirak.

Lucas 21:34

Beteꞌ magꞌintur kamu nga ega yay subrang pagragaen mi, pagkasagyaan baw pagmaꞌinimnun. Baw inturun mi nga ega yanay magdadaꞌeg kat nakem mi nga yay pagpipikiren mi nga pirmi, mga bagay kat kayti nga kaꞌgenan. Ka basta atkayan, siguradu talaga nga matarantaꞌ kamu pagꞌabut ku, ka daꞌkamu alistu.

Lucas 8:14

Ta, maresaen ngaytu nga nasaꞌbugan, iyan mga taw nga mamagpagneg it ampang it Ampuꞌang Diyus, temed in maꞌlay, madaꞌgan siꞌ i pamayaꞌ nira ka nasasaw nay pikiran nirat mga pagregnan baw mga paglabiyen nira nga subuk kamanggadan baw kasagyaan. Aypaꞌ ka ega ipagkabwaꞌ kat pangaꞌgenan nira.

1 Corinto 6:10

Atnaga i mga mananakaw, mga maꞌirak it kusas nga magkapisiꞌ situt banwa, mga mapiyalangu, mga mapiyandiyampaꞌ baw mga mapiyanreges-reges.

Colosas 3:5

Aypaꞌ ipaꞌalaid na asat imyu i muꞌsang maraꞌway nga adat situt banwa nga subuk muꞌsang kalasit pamakun duꞌun it ega asawa mu, baw maski unu nga adat, pagpikiren, u kaꞌiꞌirgan nga maraꞌway. Indiꞌan mi na gasiꞌ i adat nga maꞌingarum, ka in mga kusas situt banwa i pirming pagpipikiren, subuk kusas nay pagsambaen ta, ega na Ampuꞌang Diyus.

2 Timoteo 3:2

Sabap dakel nay sadili lamang nga kaꞌirgan i pagsumbayaꞌen nga pirmi. Maꞌireg na sirat pagpirak, mapiyatuꞌgud, mapiyataꞌas-taꞌas, mapiyanibabaꞌ, masutil na it giyaringan, baw talagang alaid duꞌut kanira i adat nga magpasalamat. Baw alaid kat nakem nira i kaꞌirgan it Ampuꞌang Diyus.

Hebreo 13:5

Kaꞌilangan mangaꞌgenan kamu it ega kupagmanggad. Iyan i magayen, pagsagyaan mi na i kumpur magkaparagan mi, ega pagkudungagan nga pirmi. Sabap waytuy inaat it Ampuꞌang Diyus, maat ya, “Talagang ega pablagan u tananan ku kamu it seked kaꞌnu-kaꞌnu.”

Josue 7:21

Sabap kat mga bagay nga narangpas ku duꞌun it Jerico nga maat antengen, may naltegan ku nga talagang piyakamagayeng gulamen nga garing duꞌun it Babilonia. Baw may walung kilu i pirak baw sang turung i bulawan nga siguru adeꞌdeng it duwang kilu i beꞌgat ya. Pinsiꞌ kuy mga iti ngayti bawnga ilimbeng ku na duꞌun it pagbabala-balayan ku ngayti. Ipiyabuliꞌ ku i pirak ngayti.”

2 Pedro 2:14

Kada leteg nira, pagrambang mata. Sabap egay beken nga tutulus nira, mga babay nga mapiyarayag-rayag. Talagang egay kaskedan it buwat nirat kasalaꞌan. Mapiyandayaꞌ sira it iyan malubay paꞌ i pamayaꞌ. Talagang pangtasan na sirat pagsumbayaꞌ it kaꞌingarum nira. Atkaytung mga taw, siguradu talaga nga rigaen it Ampuꞌang Diyus.

2 Pedro 2:3

Ta it maꞌingarum talagay mga manigpangadal ngayti, kat biyuwat-buwat lamang ngayting sugi-sugid nira nga purus kaꞌambutan, buwaten nira kamu nga desang papanulusan. Temed yay matuud, garing it tagnaꞌ paꞌ magꞌaꞌareg nga lagi i ipiyabetang-betang nga ukuman nga mabeꞌgat. Talagang egay pagduwa-duwa nga daꞌsira abutun it panriga.