Lucas 12:12 - Tagbanwa

¹² Sabap kat iyan nga uras, ipanakem it Espiritu Santo i magayen nga ampangen mi.”

Lucas 12:12 Iomraidhean Croise

Exodo 4:11

Temed maat i tubag it AMPUꞌANG DIYUS, “Siyu i nagbuwat it baꞌbaꞌ it taw? Siyu i may kaya nga magkapabngel baw magkapabuyun ya i taw? Baw siyu gasiꞌ i magkapableg it taw baw siyu i magkabgay it maꞌyag nga panleteg? Daꞌga aku ga nga AMPUꞌANG DIYUS i may kakayaan kaytu?

Exodo 4:12

Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”

Mateo 10:19

Basta pagsumaryaen kamu na, ayaw kamut kasusa in unuy itubag mi u ampangen mi. Ka siguradu yan nga tumbaw kat nakem mi i ampangen mi.

Mateo 10:20

Sabap ega yan kamu i mampang kat sadili mi, in daꞌga Espiritu Santo nga taꞌgen it Amaꞌ mi nga duꞌut langit, kanya yan i panakem it imyu it in unuy ampangen mi.

Lucas 12:13

May esang taw duꞌut kadadaklan ngayti nga magpatabang it ki Jesus. “Manigtulduꞌ,” maat ya, “iskat mut sulsug ku nga ibgay ya nay aken nga bagiꞌ it mga susubliyen namen.”

Lucas 21:15

Sabap aku ngaytu i megay it imyu it pangangampang mi nga may ega basta-bastang kasepsep, nga ega kaya nga tubagan u pakidaꞌgan it maski siyu nga mga kakuntraꞌ mi.

Mga Binwat 4:8

Tiyubag sira ni Pedro kat panakem baw pakseg it Espiritu Santo nga magsasarum duꞌut kanya. Maat ya, “Kagalang-galang it imyu, mga pagbayaꞌen namen baw mga mataꞌas nga ginuꞌu,

Mga Binwat 6:10

Temed ega pagdaꞌgen nira i kasepsep ni Esteban ngayti baw mga pagꞌampangen ya kat panakem it Espiritu Santo.

Mga Binwat 7:55

Temed si Esteban ngayti, kat keseg it Espiritu Santo nga magsasarum duꞌut kanya, timningaraꞌ duꞌun it langit, baw naltegan ya i ega basta-bastang kabantugan it Ampuꞌang Diyus. Naltegan ya gasiꞌ si Jesus nga magtitindeg duꞌun it iwanan nga ayun it Diyus Amaꞌ.