Lucas 12:11 - Tagbanwa

¹¹ Ta in beteꞌ pagsumaryaen kamu duꞌun it mga papagsambaan, u ipaꞌadap kamu duꞌun it mga punuꞌan u maski siyu nga magpupudir situt banwa, ayaw kamut kasusa in unuy itubag mi u ampangen mi.

Lucas 12:11 Iomraidhean Croise

Exodo 4:12

Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”

Mateo 23:34

Ka may papaꞌasituun kut imyu nga mga prupitaꞌ baw mga manigpangadal nga magkaꞌrut it ampang it Ampuꞌang Diyus. Imatayen mi i beken it kanira, baw iyan beken, iransang duꞌun it krus. Iyan beken, ripdasan mi duꞌun it mga papagsambaan mi baw tiꞌsen mi duꞌun it in ari-ari nga mga lansangan.

Mateo 6:25

Aypaꞌ ka ipagꞌaat kut imyu nga ayaw kamut palibeg it pikiran mi it in ari mapisiꞌan it muꞌsang kaꞌilangan it bilug mi nga subuk pangaꞌen, pagꞌimnun baw pagpakay. Ka daꞌga baꞌ subraꞌ pat pangaꞌen i kaꞌgenan baw subraꞌ paꞌ gasiꞌ it pakayan i bilug mi? Ta it kaꞌgenan baw bilug, begay nagat Ampuꞌang Diyus it imyu, simpri ibgay ya gasiꞌ i pagkaꞌilanganen mi ngaytu nga pangaꞌen baw pakayan.

Mateo 6:27

Ta siyu manggid it imyu i makadungag it kaꞌgenan ya it maski sang dekeyeꞌ nga uras kat palibeg it pikir ya? Simpri ega.

Mateo 6:28

Baw, ta, unuka pagpalibegan mi i sabap it pakayan? Panawun it pikir mi in magꞌuꞌunu magtubuꞌ i mga bura-burak situt banwa. Daꞌga baꞌ, daꞌgay pagpakarigaan nira u mamagꞌabel?

Mateo 6:31

Aypaꞌ ayaw kamut palibeg it pikiran mi it pangaꞌen, pagꞌimnun baw pakayan mi.

Mateo 6:34

Baw ta, ayaw kamut palibeg it pikiran it in unu siꞌ i dedelem. Isarig mi lamang duꞌun it Ampuꞌang Diyus. Tamaꞌ nat pikiran mi i mga kakuriꞌan it itung aldaw. Ta, unuka idungag it palibegan i in unu siꞌ nga kakuriꞌan i mabut dedelem?”

Lucas 12:22

Bawnga inaat ni Jesus i mga alagad ya, nga maat ya, “Aypaꞌ ipagꞌaat kut imyu nga ayaw kamut palibeg it pikiran mi it in ari mapisiꞌan it muꞌsang kaꞌilangan it bilug mi nga subuk pangaꞌen baw pagpakay.