Lucas 11:54 - Tagbanwa

⁵⁴ Ka egay beken nga antap it nakem nira, sigapulun kanya kat mga pagꞌampangen ya.

Lucas 11:54 Iomraidhean Croise

2 Mga Adiꞌ 5:7

Pagkabasa it adiꞌ ngaytit Israel, piyanrarasik yay pakayan ya. Maat ya, “Unu na bayning kabetang i atna kayni, adimaat akuy Ampuꞌang Diyus nga magkabwat yang paꞌlayen u ega i taw, ka kanyay magseskel it ginawa! Unuka piyapaꞌasitu yat aken i taw ngaytung mabangbangen bawnga maat pagayenen kuy sarakiten ya ngaytu? In daꞌga bat pagpapuꞌnan ya it isaꞌun magkapagbunuꞌ kami.”

Mateo 22:15

Namagliꞌid nay mga Pariseo nga mamagpagneg duꞌun, ka rundingen nira in magꞌuꞌunu nira masigapul si Jesus kat mga pagꞌampangen ya.

Mateo 22:18

Temed pagꞌuꞌrutan ni Jesus i maraꞌe-raꞌet nga antap it nakem nira. Aypaꞌ ka maat ya, “Matuud nga magbete-beteꞌ kamu nga magpamayaꞌ it Ampuꞌang Diyus. Unuka pagtinggelen mi i liꞌeg ku?

Mateo 22:35

Sang kataawan it kanira, inadalan yat pagayen-gayen i pasar it mga urdin ni Moises. Iti i miningkut it ki Jesus, nga sukda-sukdan it kanya, nga magꞌaat,

Marcos 12:13

Ta it atkayti, may tiyaꞌeg it mga pagbayaꞌen ngaytit mga Judio nga mga Pariseo baw mga kakampiꞌ ni Herodes. Piyapaꞌaduꞌun sirat ki Jesus ka sigapulun nira kanya kat pagꞌampangen ya.

Marcos 3:2

May duꞌun gasiꞌ nga in pirang kataawan nga magtulus it in unuy mapatikdan nira nga masalaꞌan nira it ki Jesus. Aypaꞌ pagniidan nira kanya it pagayen-gayen, in unu, pagayenen yay taw ngayti it Aldaw ngaytit Kapaꞌnaan.

Lucas 11:53

Ta, garing sikayti, talagang miyereꞌeret na nga banar i iseg it mga manigpaꞌyag it urdin baw mga Pariseo. Aypaꞌ ka pagkagaring ni Jesus duꞌut balay ngayti, pagsariyen na kanyat ingkut pasar it dakel-dakel na nga mga bagay.

Lucas 20:20

Talagang pagniidan na si Jesus it mga kudakep ngaytit kanya, ka pagꞌelaten niray katimpu sira. Yay binwat nira, may tiyaꞌeg nira nga pirang kataawan nga bilang baklay, nga magbete-beteꞌ it egay antap it nakem nira nga ega magayen. Piyapaꞌaduꞌun sirat ki Jesus ka sigapulun nira kanya kat pagꞌampangen ya, isaꞌun may kadimanda nira kuntraꞌ it kanya, bawnga ipaꞌalima kanya duꞌun it pudir it gubirnadur ngayting magpamegbeg it banwa nira.

Lucas 20:26

Naꞌuruꞌ-uruꞌ lamang i antap ngaytit nakem nira nga sigapulun si Jesus kat pangangampangan ya duꞌun it kadadaklan. Baw beken, it naliluꞌ sirat mga itiyubag ngayti ni Jesus, daꞌsira na namagriꞌe-riꞌeng.

Mga Binwat 23:21

In mapakay pagꞌangut-angutun ku nga ega ipalugut mu, ka may subrat epat nga pulung kataawan nga Judio nga namagsumpat bilug nira nga daꞌsira kumaꞌen u minum mintras ega maꞌimatay nira si Pablo. Kayti nga lagi magꞌaꞌalistu na sira. Magꞌelat mana sira in unuy tubag mu it mga taw nga mupakat it imu. In ipalugut mu, apaꞌan na nira.”