Lucas 11:53 - Tagbanwa

⁵³ Ta, garing sikayti, talagang miyereꞌeret na nga banar i iseg it mga manigpaꞌyag it urdin baw mga Pariseo. Aypaꞌ ka pagkagaring ni Jesus duꞌut balay ngayti, pagsariyen na kanyat ingkut pasar it dakel-dakel na nga mga bagay.

Lucas 11:53 Iomraidhean Croise

Lucas 11:52

Subrang makuriꞌ i magꞌaꞌareg it imyu, mga manigpaꞌyag it urdin. Sabap iyan kamatuudan nga garing duꞌut Ampuꞌang Diyus, ega kupamayaꞌnen mi, baw ipagtaguꞌ mi paꞌ duꞌun it katataawan. Kabilangan mi, subung it esang taw nga ega kusled duꞌut balay, baw inawaꞌ yay gunsiꞌ isaꞌun egay kasled nga beken.”

Lucas 11:54

Ka egay beken nga antap it nakem nira, sigapulun kanya kat mga pagꞌampangen ya.

Lucas 20:20

Talagang pagniidan na si Jesus it mga kudakep ngaytit kanya, ka pagꞌelaten niray katimpu sira. Yay binwat nira, may tiyaꞌeg nira nga pirang kataawan nga bilang baklay, nga magbete-beteꞌ it egay antap it nakem nira nga ega magayen. Piyapaꞌaduꞌun sirat ki Jesus ka sigapulun nira kanya kat pagꞌampangen ya, isaꞌun may kadimanda nira kuntraꞌ it kanya, bawnga ipaꞌalima kanya duꞌun it pudir it gubirnadur ngayting magpamegbeg it banwa nira.

Lucas 20:27

Sunud siꞌ nga naꞌaduꞌut ki Jesus, mga Saduceo, ka iningkut nira kanya. Mga Saduceo ngaytu, pagpanindegan nira nga ega na egnen it paꞌuliꞌ i mga miyatay.

Mga Binwat 26:9

Temed tagnaꞌ, atkayan naga i aken nga magkapikir sabap it ki Jesus nga maat it beken, inggen it paꞌuliꞌ. Tanud ku magayen kat panleteg it Ampuꞌang Diyus in talagang paꞌresan kut pakikuntraꞌ i pamayaꞌ it ki Jesus ngayti nga taga Nazaret.

1 Corinto 13:5

Ega na buwal, ega na sadiling kaꞌirgan lamang i pagpikiren, ega na makuꞌiseg, baw madaliꞌ nga pasinsiyaen i karaꞌe-raꞌetan nga pagbuwaten it beken kuntraꞌ it kanya.

2 Corinto 8:6

Ta, it atkayti i binwat it taga Macedonia ngayti, inupakat namen na si Tito nga paꞌuliꞌ kanya asat imyu, nga tumabang it imyu isaꞌun makapatabus mi na i kubgay mi it ildaw. Ka daꞌga baꞌ kanya naga i timnabang it imyu katꞌesa nga papuꞌun it riminut it tabang nga maat ibgay mi?