Lucas 11:43 - Tagbanwa

⁴³ Subrang makuriꞌ i magꞌaꞌareg it imyu, mga Pariseo. Ka iyan i kaꞌiꞌirgan mi nga adungan in duꞌun it papagsambaan, mga araꞌdungan nga pagpaꞌdungan it mga matataꞌas. Baw kasasagyaan mi nga pagsaluduꞌan in duꞌun it mataawun nga mga rugar.

Lucas 11:43 Iomraidhean Croise

Mateo 11:16

Ta unuy mapasbungan ku it mga taw kayti? Subung sira it mangaꞌwaꞌ nga mamagꞌaꞌdung duꞌun it kakalabtaꞌan baw paggaꞌuyan niray mga iba-iba nirat mamagkalabtaꞌ.

Lucas 20:46

“Iyan magꞌintur kamu kat mga manigpaꞌyag it urdin, nga maꞌireg magpanaw-panaw it masagyad i pakayan nira nga pakayan it mataꞌas. Baw kasasagyaan nira nga pagsaluduꞌan in duꞌun it mataawun nga mga rugar. Baw iyan i kaꞌiꞌirgan nira nga adungan in duꞌun it papagsambaan, mga araꞌdungan nga pagpaꞌdungan it mga matataꞌas. Atnaga in duꞌun it pamagkaraꞌnenan.

Roma 12:10

Kaꞌilangan magsigraras kamu it esa may esa baw magsiggalang nga subung kamut sang sulsugan, nga raras mi it maꞌiba mi, subraꞌ paꞌ it raras mi it sadili mi.

Filipos 2:3

Kaꞌilangan, egay buwaten mi nga maski unu nga bagay nga, antap it nakem mi, ipagpadaꞌeg i sadili u patuꞌgud lamang. In daꞌga, iyan i magayen, mapiyababaꞌ kamu, baw subraꞌ pat paggalang mit sadili mi i paggalang mi it maꞌiba mi.

3 Juan 1:9

Piyatabanan ku nat surat i mga magpamayaꞌ asan, temed daꞌku giyuman-guman ni Diotrefes, ka yay kanget it nakem ya, kanya i kilalaen nga magpanguꞌnaan.