Lucas 11:42 - Tagbanwa

⁴² Subrang makuriꞌ i magꞌaꞌareg it imyu, mga Pariseo. Pagsunudun mit magayen i urdin nga ibgay mi it Ampuꞌang Diyus i ikasang pulung bagiꞌ it mga luwak mi, nga maski mga panraragiꞌ it pangaꞌen. Temed paglipaten mi i piyakamataꞌas nga ipiyagꞌurdin ya, iyan buwat nga mataldeng baw pagmaꞌal duꞌun it Ampuꞌang Diyus. Kaꞌilangan talaga nga buwaten mi i matataꞌas ngaytu, baw ipasigi mi nagay pagsunud mi it mga beken nga inaat.

Lucas 11:42 Iomraidhean Croise

Nehemias 10:37

Tumaban kami gasiꞌ duꞌun it mga darawaꞌan nga seled nga duꞌun it Templo baw megay duꞌun it mga sasirduti it tinmek nga arina nga garing kat uꞌnang kiyayeg nga tirigu namen. Megay kami gasiꞌ it uꞌnang buwaꞌ it mga luwak namen nga kayu, baw uꞌnang buwaten namen nga pagꞌimnun baw lana. Ipagsanggup namen gasiꞌ nga megay kami it ikasang puluꞌ nga bagiꞌ it muꞌsang piyatbasan namen. Ibgay namen duꞌun it mga Levita duꞌun it kada lansangan namen, nga siray riyumraan nga tumanggap it mga iti ngayti.

Malakias 3:8

Ta aken gasiꞌ nga ingkut,” maat it Ampuꞌang Diyus, “Magꞌuꞌunu mangaas i taw nga takawan yay Ampuꞌang Diyus? Temed talagang pagtakawan mi naga aku. Ingkut mi siꞌ, ‘Kat unu nga kaꞌulugan?’ Tubag ku, ‘Kat ikasang puluꞌ nga bagiꞌ baw kat mga begay nga pasalamat.’

Mateo 23:13

Talagang subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Ka sabap it imyu magkabaeran i katataawan it pasakep it kaꞌadiꞌan it Ampuꞌang Diyus. It daꞌkamu nay imyu magꞌireg pasakep it kaꞌadiꞌan ya ngayti, pagpaaren mi paꞌ i magꞌireg pasakep.

Mateo 23:23

Subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Pagsunudun mit magayen i urdin nga ibgay mi it Ampuꞌang Diyus i ikasang pulung bagiꞌ it mga luwak mi, nga maski mga panraragiꞌ it pangaꞌen. Temed paglipaten mi nga sunudun i piyakamataꞌas nga ipagpanulduꞌ it urdin, iyan nga buwat nga mataldeng, pagkamaꞌildaw baw adat nga magkasarigan. Kaꞌilangan talaga nga buwaten mi i mga matataꞌas ngaytu, baw ipasigi mi nagay pagsunud mi it mga beken nga inaat.

Mateo 23:27

Subraꞌ talagang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Yay kabilangan mi, mga lebeng nga pininturaꞌan it maputiꞌ, nga magayeng pagletganan i kat liꞌwan ya. Temed maraꞌway i duꞌun it seled ka punuꞌ it mabuyuk baw mga tuꞌlang it miyatay.

Lucas 18:12

Ka aku, duwang bisis i pagpuwasa ku it sang lingguꞌ baw ipagbegay kuy ikasang puluꞌ nga bagiꞌ it muꞌsang magkapanulusan ku.’

Juan 5:42

Temed it kilala ku na kamu, in maꞌunuy mga adat mi. Urut ku na nga egay pagmaꞌal mit Ampuꞌang Diyus.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

1 Samuel 15:22

Temed maat siꞌ ni Samuel ngayti, “Unuy pikir mu, unuy subrang magkaꞌirgan it AMPUꞌANG DIYUS, iyan pagꞌantengen nga ramu-ramu nga ipagsamba tat kanya u pagsunud tat pagꞌaaten ya? Yay matuud, pagsunud tat kanya, yay subraꞌ paꞌ nga mataꞌas. Magayen nagang buwat i magꞌanteng it tupa pati tabaꞌ ya, nga ipagsamba duꞌun it AMPUꞌANG DIYUS. Temed yay subraꞌ pang magayen nga buwat, magpagneg baw magsunud it pagꞌaaten ya.