Lucas 11:40 - Tagbanwa

⁴⁰ Ka in daꞌga kaꞌengel-engel mi na, daꞌga baꞌ iyan minwat it bilug mi, yanaga i minwat it nakem? Simpri ireg ya limpiyuꞌ i muꞌsa.

Lucas 11:40 Iomraidhean Croise

Genesis 1:26

Bawnga maat siꞌ it Ampuꞌang Diyus, “Iyan nay magayen tang buwaten, taw, baw ipasbung tat aten. Ibgay tat kanira i pudir kat muꞌsang banwa, pati betang ya nga subuk sedaꞌ, mga manu-manuk, muꞌsang ramu-ramu nga magkaꞌpet baw ega, baw kada ramu-ramu nga magkambang kat sagpaw it lugtaꞌ.”

Genesis 2:7

Bawnga garing kat lugtaꞌ binwat it AMPUꞌANG DIYUS i bilug it taw. Pagkaꞌman ya, inyepan yay mga lamun it urung ka binggayan ya it ginawa baw kaꞌgenan. Iyan i puꞌun it ginawa it taw.

Mateo 23:17

Mga beleg! Mga engel-engel! Ari manggid kat duwa ngaytu i subraꞌ nga piyakamataꞌas, iyan bulawan u iyan Templo, nga iyan i magpaꞌega basta-basta it bulawan nga duꞌun it Templo?

Mateo 23:26

Beleg kamu nga mga Pariseo! Kaꞌilangan nga baꞌguun daꞌan i kat nakem mi. Ka basta magayen i kat nakem, magayen naga i limiꞌwan nga mga buwat.

Lucas 12:20

Temed inaat kanyat Ampuꞌang Diyus, ‘Engel-engel ka! Sabap kayti ngaytu nga delem, baiꞌan ka na it ginawa. Ta, kasiyu nay muꞌsa ngayan nga rininut nga ipagꞌimet mu?’

Lucas 24:25

Mampang si Jesus, maat yat kanira, “Abaa, kadsen it ulu mi ngaytu! Subuk ega paꞌ magkaꞌbut it pikir mi ka ega pagpakimatuudun mi i kapuꞌsaan it ipagꞌaat it mga prupitaꞌ.

1 Corinto 15:36

Mingkut it atkayan, subung kanyat engel-engel. Ka panawun it pikir mi i biꞌni. Ega talaga maꞌgen i biꞌni seked it ega paꞌ rumunut duꞌut lugtaꞌ.

Hebreo 12:9

Daꞌga baꞌ paggalangen tami i amaꞌ ta situt banwa in ega pagpabaya-bayaꞌan ya lamang i buwat tang ega magayen in daꞌga pagtaldengen ya? Aypaꞌ subraꞌ nga pasakep tat panaldeng it Ampuꞌang Diyus nga naꞌAmaꞌ tami sabap it pamayaꞌ ta, ka in atkayan, liꞌwan ya, magꞌega basta-basta i kaꞌgenan ta.