Lucas 11:4 - Tagbanwa

⁴ Pasinsiyaen mu naga i mga kasalaꞌan namen, ka pasinsiyaen namen naga gasiꞌ i mga magkasalaꞌan sinit amen. Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na.’”

Lucas 11:4 Iomraidhean Croise

Daniel 9:19

Ampuꞌang Diyus, beteꞌ pagnegan mu aku. Pasinsiyaen mu naga kami. Sana Ampuꞌang Diyus, may sambung mu na baw panabang. Ikaw nga pagsirbiyan ku, sana ega na pakaꞌlayan mu. Tumabang ka na, ka yay kat ikabantug mu. Sabap pagkilalaen it katataawan nga, Jerusalem ngayti, siyudad nga piniliꞌ mu, baw kami, mga taawan mu.”

Mateo 18:35

Atkayan naga yan i buwaten it imyu it Amaꞌ ku nga duꞌut langit, in ega pasinsiyaen mit kamatuudan i masigkataw mi.”

Mateo 26:41

Magayen indaꞌegen mi i kuꞌigaꞌ baw manalangin kamu, isaꞌun daꞌkamu daꞌgen it maraꞌe-raꞌet in sukdanan i pamayaꞌ mit aken. Sabap kat nakem mi, kupamayaꞌ kamu nga matuud, temed yay magꞌenget, kaꞌirgan it bilug mi nga subuk ega kupamayaꞌ ka malubay.”

Lucas 11:5

Paꞌugdun paꞌ ni Jesus, maat ya, “Alimbawa beteꞌ may esat imyu nga maꞌaduꞌun it iba-iba ya it lubuk nat delem. Pagꞌabut ya, maat ya, ‘Bilaꞌ, barang maski tulung batu nga tinapay mabgayan mu aku.

Lucas 13:4

Ta, yan sang puluꞌ baw walu nga kataawan nga natay nga nasuꞌruban it abwatay nga balay duꞌun it Siloe, nga sakep it Jerusalem, unuy patandes mi, subraꞌ sira nga makasalaꞌan, subraꞌ paꞌ it beken nga mamagtatakenaꞌ duꞌun it Jerusalem ngayti?

Lucas 22:46

Siyulag ya sira baw maat ya, “Unuka magꞌigaꞌ kamu na? Magbangun kamu ka manalangin isaꞌun daꞌkamu daꞌgen it maraꞌe-raꞌet in sukdanan i pamayaꞌ mit aken.”

Lucas 8:13

Iyan beken nga subung it mabatuun nga nasaꞌbugan, mga taw nga pagkagneg nirat ampang it Ampuꞌang Diyus, pamayaꞌnen nirang lagi it masagya. Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. Pagꞌabut it sukdan, mangindiꞌ nga lagi.

Juan 17:15

Ega ipagpanalangin ku nga awaꞌen mu sira sinit banwa ngayni, in daꞌga tatarimaen mu sira, isaꞌun daꞌsira daꞌgen ni Satanas ngayting gimpuꞌun it karaꞌe-raꞌetan.

1 Corinto 10:13

Temed ega pay sukdan nga miyabut it imyu nga daꞌga paglabayen gasiꞌ it masigkataw mi. Temed magkasiguru mi i tabang it Ampuꞌang Diyus nga ega ipaꞌintulut ya nga sukdanan kamu it subraꞌ na it kaya mi. In daꞌga, pagꞌabut it sukdanan kamu, begayan ya kamu it keseg nga ipagkaꞌindaꞌeg it sukdan ngaytu.

Colosas 3:13

Magpasi-pasinsiyaen kamu na it maꞌiba mi, nga pagsagkaꞌen mi it magayen i nakem i kasalaꞌan nira asat imyu. In magꞌuꞌunu piyasinsiya ni Cristo i kasalaꞌan mit imyu, atkayan naga i pasinsiya mi it beken.

2 Tesalonica 3:3

Temed talagang daꞌtami pagpabaya-bayaꞌan it Ampuꞌang Diyus. Papaꞌgenen ya kamu baw tarimaen ya kamu isaꞌun daꞌkamu daꞌgen ni Satanas.

2 Timoteo 4:18

Talagang pagsisiguruun ku nga ipasigi it Ampuꞌan i panribri yat aken kat maski unu nga kaꞌiꞌilang nga buwat it mga maraꞌe-raꞌet, baw siguradung tarimaen ya aku nga kaꞌbut duꞌun it kaꞌadiꞌan ya nga duꞌut langit. Bantugun kanya it egay katupusan. Kamatuudan tu.

Santiago 2:13

Sabap iyan ega magkaꞌrut mildaw it masigkataw ya, ega gasiꞌ paltegan kanya it ildaw in ukumanan na kanya it Ampuꞌang Diyus. Temed iyan maꞌildaw, egay dapat iꞌlaman ya asan it ipagꞌukuman na ngayan.

Mga Ipiyalteg 2:10

Ega na iꞌlaman mi i mga pakuriꞌ nga magꞌadeꞌdeng na nga labayen mi. Eeꞌ baꞌ, kat buwat-buwat ni Satanas may mapirisu yan it imyu ka pagsukda-sukdanan i pamayaꞌ mi. Kaꞌilangan sagkaꞌen mi i pakuriꞌ ngaytu seledan it sang pulung aldaw. Teꞌteꞌan mi lamang aku maski maat ikagtas nat ginawa mi, ka siguradu yan nga ibgay kut imyu i tumbas nga kaꞌgenan nga egay kaskedan.

Mga Ipiyalteg 3:10

Sabap it siyunud mi i urdin ku nga temeꞌteꞌ maski pagpakuriꞌan, talagang tatarimaen ku kamu isaꞌun ega maꞌilang, pagꞌabut it timpu nga makuriꞌan i muꞌsang taw situt sinirungat langit ka sukdanan ku na sira.