Lucas 11:32 - Tagbanwa

³² Subung naga i mga taga Ninive ngaytit tagnaꞌ. Ka in asan nat aldaw nga ipangukuman, basulun nira yan kamu nga mga taw it kayting timpu. Sabap kanira, nagsinguliꞌ, langkuy inindiꞌan niray kasalaꞌan, pagkagneg nirat pangadal ni Jonas. Temed ta, kayti may situ nat imyu nga subraꞌ paꞌ nga mabantug it ki Jonas ngayti, temed daꞌkamu magsinguliꞌ.”

Lucas 11:32 Iomraidhean Croise

Mateo 12:39

Katubag si Jesus, maat ya, “Puꞌsa kamu ngaytu, maraꞌe-raꞌet i adat. Subung kamu it pagꞌaꞌasawaen nga babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Maat mi, magꞌangut kamu it tandaꞌanan, temed egay ipalteg it imyu, puyrat iti, tandaꞌanan nga ipiyagladawan nga nalabayan it prupitaꞌ ngayan it tagnaꞌ nga si Jonas.

Mateo 12:41

Aypaꞌ in asan nat aldaw it pangukuman, basulun kamu baw mga kaꞌibaan mi it mga taga Ninive, sabap kanira, nagsinguliꞌ, langkuy inindiꞌan niray kasalaꞌan pagkagneg nirat pangadal ni Jonas. Temed ta, kayti may situ nat imyu nga subraꞌ paꞌ nga mabantug it ki Jonas ngayti, temed daꞌkamu magsinguliꞌ.

Lucas 11:31

Kat aldaw nga ipangukuman, basulun kamu yan it babay nga nagꞌadiꞌ duꞌun it Seba it tagnaꞌ paꞌ. Sabap talagang alaid nga banar i piyanawan ya, garing duꞌut banwa ya, ka ireg ya nga matantuwan i ega basta-bastang kasepsep it adiꞌ nga si Solomon. Temed kayti, may situ nat imyu nga subraꞌ paꞌ nga mabantug it ki Solomon, temed daꞌkamu kupagneg.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.