Lucas 11:26 - Tagbanwa

²⁶ Aypaꞌ buwaten ya, mapanaw siꞌ ka mangumbinyu it pitu nga mga kaꞌibaan ya nga maraꞌe-raꞌet paꞌ it kanya, ka kaꞌibaan ya nat papulpug siꞌ. Aypaꞌ baraꞌan it iyan nga taw, subraꞌ paꞌ nga rumaꞌe-raꞌet i kabetangan ya.”

Lucas 11:26 Iomraidhean Croise

Mateo 12:45

Aypaꞌ buwaten ya, mapanaw siꞌ ka mangumbinyu it pitu nga mga kaꞌibaan ya nga maraꞌe-raꞌet paꞌ it kanya, ka kaꞌibaan ya nat papulpug siꞌ. Aypaꞌ baraꞌan it iyan nga taw, subraꞌ paꞌ nga rumaꞌe-raꞌet i kabetangan ya. Ta atkayan naga i mabetangan mit imyu nga muꞌsa nga nakagneg it Magayeng Baritaꞌ temed, ta, ega naga piyamayaꞌ mi.”

Mateo 23:15

Subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, nga magbete-beteꞌ nga magpamayaꞌ it Ampuꞌang Diyus. Magleke-lekep kamu it banwa, pagdipagen mi i mga dagat, ka pagpaꞌresan mi makakumbinyu kamu lamang it maski sang kataawan nga ega Judio kat pamayaꞌ mi nga mga Judio. Simpri, in may nakumbinyu mi na, sabap it panulduꞌ mi sumari na kanyat guru it adat mi nga maraꞌe-raꞌet seked it sumubraꞌ na i kanya nga karaꞌe-raꞌetan. Ta, egay beken nga baraꞌan ya, madubli pay kanya nga panriga duꞌun it apuy nga egay kapugdawan ya.

Lucas 11:25

Bawnga abutan ya, maꞌanuꞌan yang ega pay nakapasubli it kanya nga beken, lamang subung na it balay nga paglilimpiyuꞌun na baw pagꞌaꞌaturun na.

Lucas 11:27

Ega paꞌ natupus i pagꞌampangen ngayti ni Jesus, may esang babay nga nanggaꞌmaran duꞌun it kadadaklan ngayti, nga magꞌaat, “Talagang magkasagya i babay ngayan nga nagbeteng it imu baw nagpaduduꞌ!”

Juan 5:14

Ega naꞌlay, naltegan ni Jesus i piyagayen ya ngayti duꞌun it Templo nga papagsambaan. Pagkalteg ya, inaat ya, “Ta, magayen ka na kayti. Iyan indiꞌan mu nay kasalaꞌan. Ka in kayliyan mu paꞌ, subraꞌ payan sikayan i mabetangan mu nga kakuriꞌan.”

1 Juan 5:16

Itu paꞌ gasiꞌ i ireg ku nga iꞌaat it imyu. In beteꞌ maltegan muy esang sulsug mu kat pamayaꞌ nga nakabwat it kasalaꞌan nga mapasinsiya nagat Ampuꞌang Diyus, kaꞌilangan ipanalangin mu kanya, isaꞌun ildawan kanyat Ampuꞌang Diyus nga makaꞌuliꞌnang kemseg i pamayaꞌ ya. Temed may kalasit kasalaꞌan nga ega na pasinsiyaen it Ampuꞌang Diyus, kasalaꞌan nga ikataban it magbuwat kaytu duꞌun it panriga nga egay kaskedan. Iyan magbuwat it itu ngaytung kasalaꞌan, ega maꞌaat ku nga mapanalanginan.