Lucas 11:15 - Tagbanwa

¹⁵ Temed may beken nga magꞌaat, “Si Beelzebub bayan nga pagbayaꞌen it maraꞌe-raꞌet i minggay it kakayaan ya ngayan nga magkaꞌimugaw it maraꞌe-raꞌet.”

Lucas 11:15 Iomraidhean Croise

Mateo 10:25

Ta, it aku nga Ampuꞌan mi, pagtaꞌwagen nira nga si Beelzebub, nga pagbayaꞌen it mga mararaꞌe-raꞌet, ta simpri kamu nga mga taawan ku, magꞌuꞌunu paꞌ ipabetang nira it magayen? Talagang regda-regdaen nira nayan kamu.

Mateo 12:22

Bawnga may tiyaban duꞌun it ki Jesus nga esang lalaki nga beleg baw buyun paꞌ, ka pagpapulpugun it maraꞌe-raꞌet. Piyagayen ni Jesus i lalaki ngayti, nakaꞌampang na baw magkalteg na.

Mateo 4:24

Nangalaid nay baritaꞌ pasar it mga kalililuꞌan nga buwat ngayti ni Jesus, nakalkep it muꞌsang banwa it Siria. Aypaꞌ ka dakel na nga magꞌabut, nga magtataban it magsarut it dakel nga kalasit sarakiten, pati mga pagpapulpugun it maraꞌe-raꞌet, mga magpulpug nga magpangingsil, baw beken nga may patay nga bagit bilug. Pagpagayenen ya sira nga muꞌsa.

Mateo 9:34

“Aaꞌ,” maat it mga Pariseo, “iyan bay minggay it kanya it kakayaan ngayan nga magkaꞌimugaw it maraꞌe-raꞌet, pagbayaꞌen naga ngayan bayan it maraꞌe-raꞌet.”

Juan 10:20

Dakel it kanira i magꞌaat, “Talagang pagpapulpugun kanyang matuud it maraꞌe-raꞌet. Unuka pasibangayan mi yat pagneg i magpulpug ngayan?”

Juan 7:20

Maat it kadakel ngayti, “Pagsasaruman ka baytut maraꞌe-raꞌet! In daꞌga pagsasaruman ka, siyuy kuꞌimatay it imu?”

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”

Juan 8:52

Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?