Lucas 10:8 - Tagbanwa

⁸ Ta, maski ari nga lansangan nga abutun mi, basta pagtanggapen kamu, kaꞌnen mi i in unu-unuy itarakan it imyu, nga egay pagpiliꞌen u pagliꞌyan.

Lucas 10:8 Iomraidhean Croise

Mateo 10:40

Pangiyaꞌpusan it ipagpanulduꞌ ngaytu ni Jesus, maat ya, “Iyan talaga magtanggap baw mistimar it imyu, magtanggap gasiꞌ yan it aken. Baw iyan magtanggap it aken, pagtanggapen ya gasiꞌ i Ampuꞌang Diyus nga nagtaꞌeg it aken it paꞌasitu.

Lucas 10:10

Temed maski ari nga lansangan nga ega tumanggap it imyu, ayaw kamut pagtinir asan. Takaꞌ buwaten mi, timindeg kamu in ari mataawun. Baw mampang kamu nga magꞌaat,

Lucas 9:48

Baw maat yat kanira, “In siyuy tumanggap it waꞌwaꞌ ngaytu sabap it pamayaꞌ yat aken, aku i pagtanggapen ya. Baw iyan magtanggap it aken, ega lamang aku i pagtanggapen ya, in daꞌga pati Amaꞌ ku nga nagtaꞌeg it aken. Sabap iyan piyakatimawaꞌ it imyung muꞌsa, kanya talagay piyakamataꞌas.”

Juan 13:20

Kamatuudan talagay ipagꞌaat ku ngaytut imyu. Iyan magtanggap it pagtaꞌgen ku, aku i pagtanggapen ya. Baw iyan nga magtanggap it aken, pagtanggapen ya gasiꞌ i nagtaꞌeg it aken.”

1 Corinto 10:27

In beteꞌ imbitaren kamu nga pakikaꞌen duꞌun it balay it esang taw nga ega magpamayaꞌ, baw ireg mi gasiꞌ nga paragiꞌ, kaꞌnen mi i maski unu nga itarakan it imyu. Ega sasawun mi i nakem mi u mingkut in giyamit kat pagsamba it pagbete-beteꞌen nga diyus u ega.

1 Corinto 9:14

Atkayan naga nga pabetang-betang, ipiyagꞌurdin it Ampuꞌan nga iyan mga manigpangadal it Magayeng Baritaꞌ, dapat talaga nga ikaꞌgen nira i Magayen ngaytung Baritaꞌ.